麻吉灶咖

营业中

休息中

今次我地五個女仔random黎食lunch，一人嗌一個主食同一杯野飲，另外仲有三個小食。呢度上菜速度超快，嗌完十分鐘就陸續上菜！主食嗌左牛肋麵（兩碗）、半筋半肋麵（兩碗），同蚵仔三文魚籽蓋飯～麵係類似刀削麵咁，比較煙靭。牛肋肉同牛筋都幾淋，而且大舊。湯底都算濃！不過d酸菜有d辣，唔一定個個啱食。蓋飯都好食，蚵仔大粒但可以再新鮮d。小食我地嗌左鹽酥雞、蚵仔煎同芋泥肉鬆蛋餅。前兩樣都ok，但蛋餅普通。飲品嗌左凍微糖開心果芝士奶蓋茶（兩杯），一杯凍珍珠奶茶、一杯熱珍珠奶茶、一杯紅棗桂圓茶。開心果茶幾好飲！會推介！開心果味濃郁。整體不錯。