麻吉灶咖

当日系星期五，行到咁上下见到呢间餐厅，见8点半都仲咁多人排，以为佢会收11点，之后就拎咗飞。等到9点10分左右入座先知佢收10点，已经last order了，我哋嗱嗱临叫咗个二人餐。推介二人餐 $358/二人用夜市小食+厨师推介+饭面主食+清新果茶🔹澎湖古早紫菜鱿鱼煎呢个紫菜鱿鱼煎必叫，超好食😋烟烟韧韧，鱿鱼又多，咬落去劲有口感🔹墨汁盐酥鸡配三文鱼子及辣味蛋黄酱 +$18盐酥鸡似系台湾食𠮶种，但加咗三文鱼子有啲唔夹，净系食盐酥鸡同点蛋黄酱系可以嘅，而且份量都好多🔹蕃茄杂锦豚肉锅 +$28呢个豚肉锅份量劲多，有食极都未完嘅菜同丸，豚肉份量都唔少，加钱都值得嘅，如果你想食啲菜平衡返的话🤓🔹基隆港虾酱虾球锅饭呢个饭几浓味下，同时佢都好油😣但唔差嘅，有几只虾，还可以🔹鲜凤梨绿茶🔹鲜柳橙绿茶凤梨印象中好似冇柳橙咁甜，味道唔太记得了，因为食到一半已经劲赶，某店员已经话茶水姐姐要收工，饮咗几啖就停咗手😟不过值得一提嘅系铜锣湾分店某店员系会赶客，未到10点成枱野食而且全部都仲食紧，佢系够胆过嚟问收得未，洗碗同茶水姐姐要收工🤯我𠮶吓系呆咗，心谂仲食紧㖞🤯Anyway，食物质素都中上，但服务态度真系有待改善🥺…查看更多

今晚同朋友去麻吉点咗三样嘢黎share，食到超满足，全部都几好食！先讲个大甲芋泥芝士肉松蛋饼，入面夹满芋泥同芝士，拉丝拉到癫，仲要落咗好多肉松，香甜咸香一齐爆出嚟，一啖落去已经想喊，超邪恶但又超正，食完一条都唔腻。跟住系因为近排降温想食d暖野所以点既臭臭锅，个铜锅上台好有气氛。汤底系微微辣嘅泡菜汤，酸辣得黎唔会太劲，啱晒我哋。材料超多：臭豆腐够臭够入味、鸭血软淋、肥牛片薄薄的几秒就熟、猪大肠洗得干净无臭、贡丸花枝丸都弹牙，仲有金针菇娃娃菜吸晒汤，一碗食完暖笠笠。碗牛肉面拣左半筋半肉，汤底清澈但牛味好香，肉同牛筋都煮得软腍入味，面条弹牙，份量又够，食完有饱足感。整体嚟讲，麻吉呢度环境舒服，灯光暖，服务员好快手，三样嘢都好啱香港人口味。…查看更多

见到麻吉出左秋冬限定menu，今次就拣左两款试，几有特色又暖胃，大推！先食左芋泥鸭松九层塔春卷。春卷皮炸得薄脆，金黄香口，咬落去唔会太油。入面鸭松炒得入味唔柴，配上绵密嘅芋泥，甜咸平衡得好正，配埋九层塔好有台湾味。仲有少少拉丝芝士，热食时拉得耐，口感丰富但唔抢戏，整体几好食，几啱做开胃小食。主食系台湾肠油渣香饭配温泉蛋。铁锅上枱有火烧住个锅几热辣辣，饭用猪油捞得香口但唔会太腻，油渣脆卜卜，配埋腊肠粒、酸菜、红葱酥，味道好够镬气。温泉蛋拨开，蛋汁流出同饭一拌，变得滑溜又creamy，暖笠笠好啱冬天食，份量都几多，食到饱饱哋。饮品饮咗草莓沙冰芝士奶盖。上面芝士奶盖打得绵密，带少少咸香，下面系草莓沙冰，酸甜清新，两层口感一齐饮落去几夹，草莓味够真，唔太甜，饮完好解腻。…查看更多

最近想食台湾野，见到希慎有间就同fd系附近行街顺便去食。墨汁盐酥鸡炸得超脆口，鸡肉仲好嫩。配埋三文鱼籽同辣味蛋黄酱个口感好丰富。牛肉面汤底带甜，牛腩同牛筋炆得腍，溏心蛋流心，酸菜红萝卜份量多，面弹牙，一碗食完饮晒好暖胃。个卤肉饭肥瘦均匀，卤汁香浓甜咸，捞落饭超香口，饭粒唔太湿，一碗好快扫晒。d甜品都好好食。麻薯豆乳芒果雪糕好解腻，芒果新鲜，配埋雪糕好夹；紫米珍珠芋泥好足料，食完好满足。整体都几唔错，几啱同朋友约埋黎。见到佢仲有好多款小吃，之后有机会一定再黎试。…查看更多

见餐厅门口放左二人餐餐牌，一点几都仲有位，价钱还好就入去试试。餐厅环境尚可，地点系方便的，喺希慎3楼，上菜速度都可以。但食物质素真系有D失望，特别系𠮶个墨汁盐酥鸡，鸡块肉质一般，𠮶碟入边D肉块好多都系细细碎，颇为失望！蕃茄杂锦豚肉锅无论系味道同用料都一般，汤底平平无奇，呢两款食物仲要另外再加钱🫩😞真系觉得CP值唔系好高。反而成餐入边尚算满意嘅，竟然系甜品，甜粟米忌廉窝夫。结论都系性价比唔系好高。…查看更多