盛記酒家

营业中

休息中

今日男朋友突然間 好想食中菜廿四孝女友但唔識得煮飯嘅我梗係幫佢上網睇下我屋企附近有啲咩酒樓喇😆盛記酒樓係傳統嘅中式酒樓, 所以位置寬敞 坐都幾舒服！椒鹽脆豆腐食炸嘢最怕油淋淋 但呢個脆豆腐炸得乾身外皮香口惹味 但一咬落去豆腐滑嫩嫩的 你一口我一口好快食晒成碟！菠蘿咕嚕肉咕嚕肉肉質鬆脆 外脆內軟 多汁得嚟又好入味 食落唔會乾崢崢 酸甜甜好開胃👍🏻 忍唔住點配菜嘅菠蘿都食曬！瑤柱蛋白炒飯一上菜原來份量好大碟 雖然係蛋白炒飯但色彩豐富 上面鋪滿炒得好香嘅乾瑤柱 飯炒得乾身而且粒粒軟香 用嚟送菜非常滿足！