咖吔

营业中

休息中

北角匯開左好多餐廳，今日心癢癢想食新加坡菜喇沙，就黎左咖吔kaya!海南雞拼喇沙，一個餐試晒兩款特色菜，兩個人分享亦係非常好既選擇。海南雞超級滑而且係水晶皮，平時唔太食雞皮，但都不自覺連皮品嚐海南雞既雞件。3隻醬都好好味，海南雞醬唔會太大陣醋味，非常適中。油飯份量亦充夠，香口。喇沙個湯好有椰子味，微微香辣，有肥美既蝦，豆卜，蛋，魚片，浸住湯全部食物都變得好惹味，而且小吃多滋味，分量設計得好好。餐廳名叫咖吔當然要試下佢既斑蘭咖吔多士，多士非常鬆脆，中間一層斑蘭咖吔雖然係薄薄一層，但都滲出斑蘭同椰子既香味，仲夾左一片牛油等佢慢慢被熱辣辣既多士溶化，好味。烤馬來蔥餅配咖哩，呢個最遲先上菜，因為真係即係烤熱辣辣，係酥餅質感，好香蔥味。咖哩汁唔係好辣又夠香，慢慢撕開點住汁食真係好正。餐廳非常受歡迎，而且樓底夠高坐得好舒適，我地咁岩坐到落地玻璃既卡位，睇住個日落享受晚飯真係夠晒寫意。