味道

营业中

休息中

餐廳：味道地點：上環畢街菜式：東南亞菜餐牌：飯、串燒、麵、烏冬、湯粉、沙律，送指定熱飲一杯，7選1，都好多選擇。凍飲加$4，汽水加$7，特飲加$12。免加一。價錢實惠。越式香茅蔥油豬扒煎蛋飯 $70豬扒超大塊切開好多件，方便食用，整得皮少少脆，而肉質好淋，豬味濃。伴有大大堆白飯，份量超多，面頭配有一隻煎得香脆同有少少蛋汁既雞蛋，蛋汁可以撈飯。伴有蔥油，仲可以自己加枱上豉油調味。炸雞脾配泰式冬陰功配金邊粉 $85泰式冬陰功個湯好香，味道酸酸辣辣，超醒胃。金邊粉幼身又淋又掛湯，其他配料有魚蛋一塊，豆卜，草菇，芽菜，蔥花等，面頭加上芫荽，帶黎多重口感味道。金邊粉可以揀粉絲，米粉，河粉，公仔麵，拉麵加$5。炸雞脾另上，好大隻，炸得皮脆肉嫩，好香口，有好多肉食。泰式炭燒沙嗲豬肉串泰式炭燒沙嗲豬肉串一客四串，味道甜甜地，燒得少少脆皮，伴有青瓜同辣椒各兩片。另上甜甜地既沙嗲醬，花生味好濃。青檸檬梳打 加$12青檸檬梳打完全唔甜，好解渴又健康。泰式奶茶 加$12泰式奶茶甜度適中，口感滑溜。今餐食物唔錯，最緊要價錢合理。中上環黎講好抵食。小店有十張枱左右，繁忙時間要搭枱。