全日雞實驗所

营业中

休息中

今日去北角做體檢。就搵下北角有咩好食。見網上好多人推介北角既全日雞實驗所，所以特登走嚟食。我就叫左海南雞飯餐，朋友就叫左海南雞飯（胸+雞柳）首先要講嘅係個海南雞飯：雞胸&雞柳處理得還可以，唔會鞋口。雞肉正常，有少量雞味，但唔算好滑。個湯自稱係無味精。飲落口係微清甜，味淡。而且飲完後無口渴，應該真係無加味精。烏龍茶味道一般，偏淡味。最令我感到意外既，反而係個飯。我唔肯定係咪用左糯米。個飯除左有淡淡既雞油外，佢係有糯米果種煙韌而且偏硬身既口感。好食。我個人覺喜歡海南雞係偏向香滑。所以如果只講雞，我心中有2間既海南雞係做得比依間滑&香。但如果講個油飯，依間就會係我第一選擇。