泰斗 (中達大廈)

营业中

休息中

東南亞美食之中，我最愛泰國菜。喜歡佢色彩斑爛、味道性格分明、甜酸苦辣集一身，開胃醒神，最適合炎熱的夏天。今次食這間餐廳位於尖沙咀鬧市中商廈的4樓， 鄰近地鐵站十分方便。一出𨋢門已見到泰式神像擺設，裝修也頗時尚舒適。酸辣海鮮湯(細)$148海鮮料有青口、蝦🦐、魷魚、秀珍菇、車厘茄。湯的味道又酸又辣有點似冬陰公湯。鐵板香芒炒牛柳$158這個都有少少辣，係黑椒和新鮮青胡椒的微辣，都幾惹味，芒果好香甜，牛柳粒十分淋好有牛味。炸軟殼蟹柚子沙律$128我honey鍾意食軟殼蟹，這道菜最適合佢😁柚子好多酸咪咪，又是酸和辣的組合，加上椰糖的甜和香，味覺複雜有層次！鹽燒牛舌串$38芒果糯米飯$68最後是甜品時間，芒果椰汁香甜、糯米煙韌有口感，係完美的組合。甜味為人帶來甜蜜的幸福感覺！