cafe TOO

唔想大家為左酒店名氣而去食,我完全覺得有問題,一間6星級酒店比d咁既食物你, 仲要收三百幾蚊一位,完全唔值。如果以一間6星級酒店來說,佢既食物太普通。先講冷盤, 有生豪,蝦,凍蟹; 豪洗得唔乾淨,有豪x和沙, 凍蟹無味(多數都係無味); 魚生只有5款,三文魚,吞拿魚,八爪魚,赤貝&Kimchi,無其他, 壽司一早已經握好哂,又硬又乾無咩人食, 無手卷,無蟹籽,無熟蝦無甘蝦...。沙律多款式,岩女士,每次不同, 好多外國蔬菜。熱食方面, 你會以為自己去左酒樓飲茶, 有蝦餃,燒賣,粉果....燒味,白切雞, 燒鵝, 炒飯,薯仔,炒菜......。唉...比d咁既野你食...仲有好似白開水既中式雞湯, 個西湯就好少少。有雲吞麵食, 個counter好似人地車仔麵咁,有魚蛋,雲吞,水餃,菜等等, 你要咩叫廚師整比你。意炒counter, 雖然係即煮,但係因為意粉未完全熟透, 感覺仲有d硬。印度食品-咖哩,如果唔食得辣,就小心, 食少少無咩問題, 揀之前可以問一問佢地邊d唔辣, 記得食佢地既薄餅,好食。佢地唯一一樣野似6星級酒店係甜品, 好多比你揀, 梳呼利必食, 晚晚唔同味, 不過多數係薑味;