Mata Japanese Cuisine

营业中

休息中

朋友介紹長沙灣廣場開咗間日式居酒屋,今日趁住食晏有時間過咗去試下,餐廳長沙灣廣場3樓,門口有一大塊黑板menu,餐廳入面嘅裝修整潔,除咗有吧檯坐之外,仲可以坐四人枱。見到餐廳嘅食具,杯碟都好精緻畀人一種好細心嘅感覺。睇下個menu午餐有七個選擇,價錢由五十幾蚊到百零蚊,全部都可以追加小食,雞皮餃子,蝦膠秋葵,吞拿魚玉子15元,性價比好高每一個午餐都跟二個前菜,第一個自家製醃蘿蔔,蘿蔔食落去好爽口,味道帶少少酸甜,食完真係特別開胃。第二個前菜牛舌絲海帶,海帶味道清新配上牛舌絲增添一份肉香味，明太子意粉 68元,上面鋪滿紫菜 , 明太子嘅鮮味帶有少少鹹香,配埋忌廉汁,紫菜整體嘅味道真係好夾 ,店長推介加少少七味粉,估唔到七味粉可以令到明太子嘅鮮味更加突出,味道更加有層次，而且意粉嘅軟硬度適中，啱晒我口味吉列黑豚豬扒配秋田小町米飯 98元,吉列豬扒上枱已經好吸引,豬扒size都好大旁邊有啲椰菜絲配上沙律醬,豬扒炸到啱啱好,外層金黃色,食到去外面好香脆,而入邊嘅豬排仲係好嫩滑好juicy,椰菜絲可以將豬扒嘅油膩感減少,令到你更加開胃,秋田小町米比一般珍珠米飯味更加香，椰菜絲仲好鮮甜，上面鋪滿沙