影片
更多
2022-08-22
281 浏览
未試過齋睇相的話唔會體會到果種失望.............訂咗位，同母親大人慶生。見Openrice咁多好評而個價又OK，就試吓呢間 "法國菜"叫咗一個二人餐再加散件。二人餐，$788+10%* 南瓜湯X2 - 失望指數8/10，係CREAMY 同有南瓜味o既，不過勁甜，甜到有啲乸喉* 馬賽龍蝦海鮮鍋 - 失望指數10/10， 成碟得急凍蜆4-5隻，急凍青口3隻，3-4粒好似5蚊銀咁大o既魷魚圈，急凍BB波龍半隻(煮熟咗由蝦頭至尾大約手掌咁大) ，面頭係一塊煎完但係塊皮林、肉又鞋又腥o既盲鰽。點解咁強調係急凍呢?因為全部都係冇海鮮味，又咸又柴o既...........* 生牛肉薄切 - 失望指數1/10，全晚最好食o既菜色。牛肉軟林有牛味，食落仲有豐富油脂感，但係份量太少因為切得好薄。* 香橙烤豬腩 - 失望指數7/10，上枱係微暖，有漿口感覺係因為豬腩入面啲肥膏凝結咗，好似椰子雪糕咁色。4件入便有2件啲皮已經林咗。* 番紅花啤梨蛋糕 - 失望指數9/10，死甜，冇啤梨味，蛋糕裏頭濕立立........另加菜色:* 法國油封鴨肶 - 失望指數8/10，皮係酥香o既，但係啲肉係冇鴨
訂咗位，同母親大人慶生。見Openrice咁多好評而個價又OK，就試吓呢間 "法國菜"
叫咗一個二人餐再加散件。
二人餐，$788+10%
* 南瓜湯X2 - 失望指數8/10，係CREAMY 同有南瓜味o既，不過勁甜，甜到有啲乸喉
* 馬賽龍蝦海鮮鍋 - 失望指數10/10， 成碟得急凍蜆4-5隻，急凍青口3隻，3-4粒好似5蚊銀咁大o既魷魚圈，急凍BB波龍半隻(煮熟咗由蝦頭至尾大約手掌咁大) ，面頭係一塊煎完但係塊皮林、肉又鞋又腥o既盲鰽。點解咁強調係急凍呢?因為全部都係冇海鮮味，又咸又柴o既...........
* 生牛肉薄切 - 失望指數1/10，全晚最好食o既菜色。牛肉軟林有牛味，食落仲有豐富油脂感，但係份量太少因為切得好薄。
* 香橙烤豬腩 - 失望指數7/10，上枱係微暖，有漿口感覺係因為豬腩入面啲肥膏凝結咗，好似椰子雪糕咁色。4件入便有2件啲皮已經林咗。
* 番紅花啤梨蛋糕 - 失望指數9/10，死甜，冇啤梨味，蛋糕裏頭濕立立........
另加菜色:
* 法國油封鴨肶 - 失望指數8/10，皮係酥香o既，但係啲肉係冇鴨味而又林pat pat好似湯渣咁囉。size 等如1/4 隻春雞咁上下。
* 軟殼蟹茄汁意粉 - 失望指數6/10，軟殼蟹唔脆成口油，唯一可取係份量夠。
* 茄子沙律 - 失望指數2/10，菜好新鮮，啲茄子燒過都幾香口，個汁太甜。
* 芝士焗腸仔蝴蝶粉 - 失望指數9/10，啲蝴蝶粉根本未熟透，落成口面粉，亦都因為咁完全唔索汁，香腸係冇味香草腸切片。
埋單4位$16XX，其實又唔算話好貴，不過如果食呢啲快餐質素 "法國菜"，巿面上會有好多更好選擇。
题外话/补充资料：
店內有幾個男侍應都幾粗魯同侮氣，配合菜色水準真係感覺去咗快餐店咁。
(以上食记乃用户个人意见 , 并不代表OpenRice之观点。)
张贴