尋味

营业中

休息中

今日又去剪頭髮，發現呢度新開左間食烤魚、雞煲同串燒等餐廳，咁就不如順便食埋飯。餐廳有室內同室外，同家人或朋友聚會，坐室外幾有氣氛。烤魚：有幾款烤魚揀，我哋叫左海鱸魚，蒜香味道，小辣。魚肉光滑，鮮甜，口感幾堅韌。裡面仲有蓮藕、金菇、木耳同芽菜等配菜，另外我哋再加左唐生菜，入味爽口。烤魚蒜香味濃，越食越辣，好惹味。再叫個飯，送飯一流！串燒：燒雞中翼好香口，出左少少油，幾好味。烤年榚口感幾好，估唔到幾好食，辣辣地。烤日本一口牛又唔會燒到太乾，牛味重帶少少肉汁，唔錯。飲品：食咁多辣嘢同香口嘢，老公話要飲啤酒清吓熱氣。我就叫左杯百香果茶，大大杯，夠冰凍，甜甜地幾好飲。