影片
更多
2023-05-04
37 浏览
🌟餐廳：天天海南雞飯 📍地址：銅鑼灣京士頓街9號Fashion Walk地下H2號舖💰價位：$101-200⏰營業時間：星期一至日12:00 - 21:15📱電話：31082181每次去新加坡旅行都必食街坊小店，包括海南雞飯、肉骨茶、辣椒炒蟹等美食！想係香港都可以食盡新加坡特色餐點，新加坡國民經典品牌「天天海南雞飯」就結合四間新加坡米芝蓮街坊食店：天天海南雞飯、老街坊、五十年代、超好麵，一次過可以歎哂各款經典傳統既正宗美食！2022年天天海南雞飯更升格為Tian Tian Authentic，精心研製及改良多款廣東小菜，以高貴典格調新方向，令每位食客感受更高質量用餐服務同享用創新美味菜品～今晚約埋成班朋友歎盡多款新加坡經典美食，以下就逐一介紹比大家：———————————————————🔹 1. 黑松露墨魚蝦多士多士烤至金黃薄脆，內餡有齊墨魚滑、墨魚粒粒及墨汁，口感豐富。面頭仲有明蝦球，再淋上黑松露沙律醬，每啖都香脆惹味！———————————————————🔹 2. 迷迭香火焰黑金叉燒特別選用從小就食橡果長大既西班牙豬腩肉，口感比起一般馬來西亞豬肉更具咬口。師傅會將黑叉燒切條煎香，加
📍地址：銅鑼灣京士頓街9號Fashion Walk地下H2號舖
💰價位：$101-200
⏰營業時間：星期一至日12:00 - 21:15
📱電話：31082181
每次去新加坡旅行都必食街坊小店，
包括海南雞飯、肉骨茶、辣椒炒蟹等美食！
想係香港都可以食盡新加坡特色餐點，
新加坡國民經典品牌「天天海南雞飯」
就結合四間新加坡米芝蓮街坊食店：
天天海南雞飯、老街坊、五十年代、超好麵，
一次過可以歎哂各款經典傳統既正宗美食！
2022年天天海南雞飯更升格為Tian Tian Authentic，
精心研製及改良多款廣東小菜，以高貴典格調新方向，
令每位食客感受更高質量用餐服務同享用創新美味菜品～
今晚約埋成班朋友歎盡多款新加坡經典美食，以下就逐一介紹比大家：
———————————————————🔹 1. 黑松露墨魚蝦多士
多士烤至金黃薄脆，內餡有齊墨魚滑、墨魚粒粒及墨汁，口感豐富。面頭仲有明蝦球，再淋上黑松露沙律醬，每啖都香脆惹味！
———————————————————🔹 2. 迷迭香火焰黑金叉燒
特別選用從小就食橡果長大既西班牙豬腩肉，口感比起一般馬來西亞豬肉更具咬口。師傅會將黑叉燒切條煎香，加入以多種香料製成之秘製醬汁炆煮約 45 分鐘，上碟前再放入鑊中收汁，特別加入迷迭香及桂皮～上枱前再於客人面前淋上玫瑰露，上演火焰效果，視覺效果一流～黑金叉燒肉味濃，入口細嫩，油脂分布均勻，絕對係睇得又食得！
———————————————————🔹 3. 鮮大蝦冬陰功湯
冬陰功湯香濃酸辣夠哂開胃，好岩而家天氣飲用～上菜時會先奉上冬陰功湯，跟住再放入新鮮大蝦，令蝦肉保持爽口彈牙，一啲都唔柴口，好有心思！
———————————————————🔹 4. 古法肉骨茶
呈奶白色既湯底糅合馬來西亞同新加坡肉骨茶做法，加入當歸、甘草、八角等藥材及馬來西亞胡椒以增加辣味。湯頭飲落相當香濃清澈，淡淡藥材味再夾雜胡椒香。特別一讚排骨肉質軟腍，非常入味，沾以新加坡黑醬油，味道更加鮮香！
———————————————————🔹 5. 「老街坊」牛筋牛腩煲
用上新加坡秘製黑磨豉醬炆煮，牛筋爽滑充滿膠質；牛腩揀選牛肋條，肉質炆煮至入口即化，食得出係師傅既心機之作！
———————————————————🔹 6. 天天海南雞
招牌天天海南雞係必試招牌菜式之一！保留新加坡本店傳統製法，選用海南文昌鎮正宗文昌雞及白羽雞，每天新鮮供港，保持品質！食落肉質特別嫰滑，連帶雞皮都寧舍爽滑，完全零脂肪無肥膩感～燒雞則以本地三黃雞製成，皮脆骨軟、脂肪豐滿，入口香度十足，味道鮮美！沾以獨門秘製辣椒醬、由新加坡進口之黑醬油及蒜醬，更能提鮮，食落更加惹味～
———————————————————🔹 7. 南海青咖喱
加入菠菜及班蘭煮制而成，比起坊間一般既泰式青咖喱會較為濃稠惹味，輕易做到掛汁效果，拌飯同蒜蓉包都一流！海鮮有大蝦、青口等，新鮮且份量十足，味道微辣好開胃，適合一班人開心SHARE！
———————————————————🔹 8. 新加坡辣椒炒肉蟹配鹹煎餅
鍾意食肉蟹既朋友必試！用上肉質結實既肉蟹，先油炸再以辣椒醬汁炆熟，最後加入雞蛋收汁，賣相一流，非常吸引！肉蟹肉多肥厚，肉質爽滑鮮甜，配以香濃惹味醬汁，加埋鹹煎餅享用，真係大滿足！
———————————————————🔹 9. 食神魚子海鮮炒雞油飯
糅合日式、中式、新加坡既FUSION炒飯，面頭鋪滿日本新鮮飛魚子，配料有帶子、蝦米、新鮮菠蘿，用上正宗新加坡海南雞飯既雞油飯，將飯粒炒至粒粒分明，香口惹味，伴碟仲有乾菠蘿片，賣相精緻，好有創意！
———————————————————🔹 10. 芒果三色糯米椰漿甜飯
最後黎到甜品時候～必點三色椰漿飯，分別有加入椰漿既原味白色糯米，加入紅龍果果肉打成汁既酒紅色糯米及加入班蘭汁既淺綠色糯米，三者各有千秋，個人最愛淺綠色糯米，斑蘭味味道清香，斑蘭味香氣撲鼻～配合香甜既新鮮芒果，再淋上奶香味濃既椰漿及椰子脆脆，味道層次豐富，真係幾飽都想繼續食！
———————————————————🔹 11. 新加坡原味豆腐花
試埋店員特別推介既豆腐花，同坊間大不同！特別用上黃豆粉製成，入口即溶，口感超滑溜，一啲豆渣都無，好有驚喜！
———————————————————🔹 12. 50 年代南洋咖啡
最後以一杯經典南洋咖啡作結，加入煉奶及淡粉，奶味清香，口感順滑，飲落特別順喉～
张贴
