瀛鍋

营业中

休息中

週未梗係要同薑少出去玩啦‼️已經係二訪到呢間火鍋店，全因為可以帶狗狗共享美食，樓上有包廂比有寵物嘅客人用餐，而且包廂不設最低消費，好適合一大班朋友黎開party💕刺身拼盤有三文魚，希靈魚，魷魚同北寄貝，全部都好新鮮又鮮甜，本人比較中意魷魚，爽口得黎仲有蟹籽係上面，食落更加口感😊鮮味卜卜蜆鍋🦪入面嘅蜆粒粒都好大，而且全部都乾淨無沙，食落嫩滑鮮甜，另外仲有粉絲、蘿蔔同粟米🌽令到個湯底更加鮮甜手切鴛鴦肥牛兩款肥牛都各有特色，分別係肉質實啲而牛味濃郁，而另一款就肉質軟腍得黎油香十足，十分推介❤️手打四寶丸🍡分別有手打鮮墨魚丸🦑手打鮮蝦丸🦐手打蒜香豬肉丸🐷同手打鮮肥牛丸🐮每款都爽口彈牙之餘仲要內有乾坤，會食到粒粒墨魚同蝦好有層次，值得一試👍🏻鬆脆響鈴自家製既響鈴即叫即炸，超香脆又惹味😋鮮蝦水餃皇超大粒嘅水餃，入面嘅餡料十足，口感鮮美，蝦肉彈牙，好滿足🥰自家製嘅鹹檸七+鹹檸梳打佢哋嘅鹹檸好香，飲落清新又解膩，唔錯👍🏻