L'AMOUR

前排同事介紹, 中環蘭桂坊一間西餐廳, 係大眾點評做緊晚市二人套餐半價優惠, 五百蚊左右就可以品嚐由前米芝蓮總廚主理嘅美食, 於是今晚放工約埋好姊妹嘆返餐。店舖紅黑主色調, 華麗裝修幾有浪漫感, 巨型玫瑰花作裝飾, 門口放置一部白色三角琴, 很有格調。我地係點評買咗其中一個二人dinner set, 每位可自選餐湯、前菜、主菜、甜品。龍蝦湯: 口感creamy, 味道濃郁回甘。前菜:鵝肝撻: 鬆化超香口, 鵝肝香濃。生蠔: 新鮮肥美又Creamy, 帶有微微海水味。主菜:+$188升級: 澳洲Black Opal M9和牛小扒表面烤得有淡淡焦香, 肉汁豐富, 肉味濃厚, 沾上醬汁, 味道更昇華。+$68升級: 乾式熟成紐西蘭法式羊仔架7成熟恰到好處, 而且不油膩, 沒有濃烈嘅羊羶味, 易入口, 肉汁豐富, 肉質鮮嫩。不過甜品比預期差咗少少, 有d乾身。額外再Order咗兩杯mocktails,荔枝馬天尼：濃郁荔枝甜味，容易入口，非常適合女仔飲。Sex on the beach: 血橙果味濃郁。