影片
更多
2024-06-10
49 浏览
依排成日落雨唔敢去戶外，行下街食下野就最好既節目，考試前同阿囡近近地去屯市既「佐賀燒肉谷」食放題再行街，緩和下考試壓力，已經令佢好開心🤭我哋今次揀左Lv3澳洲和牛海鮮放題，128品類肉類和配料任食，加送極上海鮮拼盤一份，真係好豐富🔥燒肉先送上一份包羅萬有既拼盤，梯級擺法一目了然🤩。有牛腹肉、牛肩里肌、牛舌、牛小排、牛肋肉、穀飼牛板健、特上牛肋肉、澳洲和牛上級胸腹肉、煙燻壼漬封門柳共九款不同的牛，唔夠食可以用QR code加單。牛小排油脂甘腴🥩，肉味香濃，食完2片立即再追加。牛腹肉、牛肩里肌、牛板腱各有特色，口感突出。壼漬封門柳原條醃製煙燻，要花點時間燒熟，醬汁鹹甜味相融，提升肉味，肉質稔滑，誠意十足。海鮮拼盤一樣夠晒足料，有鮑魚、蠔、蟶子、帆立貝、鰻魚、鮮蝦串、門鱔片。最驚喜一定係燒鰻魚，超級厚肉，仲可以邊燒邊搽上燒汁，燒熟後雪白的鰻魚肉結實爽彈，魚味濃郁，口感實在。生蠔、鮑魚、帆立貝燒熟後都仲好大隻，味道鮮甜，還可加點蒜茸醬一齊燒，更惹味，鮮蝦和蟶子肉質結實鮮甜。除左肉類海鮮，自助食物區仲有一啲熟食可以拎，雪櫃內亦有多款蔬菜、菇菌類和水果，小紫薯和菠蘿係我哋至愛。仲有日式前菜辣味八爪
我哋今次揀左Lv3澳洲和牛海鮮放題，128品類肉類和配料任食，加送極上海鮮拼盤一份，真係好豐富🔥
燒肉先送上一份包羅萬有既拼盤，梯級擺法一目了然🤩。
有牛腹肉、牛肩里肌、牛舌、牛小排、牛肋肉、穀飼牛板健、特上牛肋肉、澳洲和牛上級胸腹肉、煙燻壼漬封門柳共九款不同的牛，唔夠食可以用QR code加單。
牛小排油脂甘腴🥩，肉味香濃，食完2片立即再追加。牛腹肉、牛肩里肌、牛板腱各有特色，口感突出。
壼漬封門柳原條醃製煙燻，要花點時間燒熟，醬汁鹹甜味相融，提升肉味，肉質稔滑，誠意十足。
海鮮拼盤一樣夠晒足料，有鮑魚、蠔、蟶子、帆立貝、鰻魚、鮮蝦串、門鱔片。
最驚喜一定係燒鰻魚，超級厚肉，仲可以邊燒邊搽上燒汁，燒熟後雪白的鰻魚肉結實爽彈，魚味濃郁，口感實在。
生蠔、鮑魚、帆立貝燒熟後都仲好大隻，味道鮮甜，還可加點蒜茸醬一齊燒，更惹味，鮮蝦和蟶子肉質結實鮮甜。
除左肉類海鮮，自助食物區仲有一啲熟食可以拎，雪櫃內亦有多款蔬菜、菇菌類和水果，小紫薯和菠蘿係我哋至愛。仲有日式前菜辣味八爪魚、螺肉、中華沙律等。
最後唔少得甜品，有自製軟雪糕機🍨，有朱古力味和柚子味，冰凍又夠晒Fresh。另外亦有一些小甜品和原盒豆腐花，小朋友最喜歡既就係燒棉花糖🍭，玩個不亦樂乎🤭飲品都係自助既，凍飲有多款罐裝汽水果汁，熱飲亦可自斟咖啡、朱古力、特色茶品等。
100分鐘有啲唔夠皮😂因為真係太多野食，燒肉質素又好，又坐得舒服唔迫，店員仲不時會過來幫客人換燒烤盤和清理枱面垃圾，真係好貼心，我哋都食得好開心🥳
张贴
