佐賀燒肉谷 (屯門市廣場1期)

上個週末同朋友一齊去屯市食「佐賀燒肉谷」，第一次食，試吓佢哋嘅燒肉放題，估唔到咁有驚喜😳我哋夜晚9點先入座，原來8點半後入座有$40折扣優惠(level 1-3)已經即刻覺得幾抵食！原本我哋打算揀Level 1嘅套餐，但經理好熱情咁推介我哋試Level 2嘅美國和牛海鮮放題（每人$418-$40=$378）另收加一，仲特別提到煙燻壺漬封門柳係必試之選，話好新鮮又好味。見經理咁有誠意，我哋就決定試吓Level 2，結果真係冇失望！煙燻壺漬封門柳肉質好新鮮，店員仲幫我哋燒好，技術一流。咬落去完全唔韌，肉質鬆化，入口即溶，味道濃郁，我覺得絕對係今晚嘅MVP！美國和牛肩胛肉眼肉片切得好薄，好入味，燒完仲保留到肉汁，食落真是一個「嫩」字！新鮮度同質感都好有水準。牛舌 牛舌燒得啱啱好，爽脆又唔會太韌，簡單調味已經好夠味，係燒肉迷嘅必點之選。安格斯牛小排依款牛小排油花分佈均勻，燒完後外層微焦，內裡保持嫩滑，肉汁鎖得好實，每一口都充滿牛肉嘅濃香。雖然唔及和牛肩胛肉眼咁入口即化，但味道同口感都好有水準，值得一試！澳洲殼飼原塊牛板健牛板健切得厚實，肉質結實有咬口，燒到七成熟時，肉汁同牛肉嘅原味好突出，帶點嚼勁但唔會韌。調味簡單但好能突顯肉質嘅鮮甜，特別適合鍾意食厚切牛肉嘅朋友。另外，飲品同雪糕都係任食，飲品選擇多！雪糕可以加上唔同既配料，甜品控既我真係好滿足。服務方面真是一個大加分！經理同員工都好有禮，仲好貼心咁教我哋點樣燒肉會更好食，仲幫手燒，確保每件肉都燒得完美。環境方面，餐廳坐位寬敞，坐得舒服，通風又做得好，食完燒肉都唔會成身油煙味，呢點真是一個大讚！下次仲想再試吓其他款式，強烈推介俾鍾意燒肉嘅你！…查看更多

好少寫食評 但係服務同食物質素真的要推介一下👍🏻👍🏻👍🏻👍🏻今日朋友約我到屯門佐賀燒肉谷食飯 店內差不多坐滿乘客，全店卡坐，感覺好闊落，雖然多人，但完全冇壓迫感最主要有個職員戴眼鏡肥哥哥會介紹環境，又會主動推介邊款級數適合我哋，唔會好似逼你一定要食最貴（但係我哋都揀咗最貴😂）因為個職員介紹得好詳盡 俾佢吸引到🤣🤩野食上咗枱，會主動幫手燒肉，又會細心講解注意事項，亦會主動幫手處理部分難處理的食材，見到客人越來越多，都沒有缺乏招呼缺乏同服務，個人覺得十分真係可以比一百分，個人認為係一次唔錯既體驗❤️會在二訪的餐廳🥰…查看更多

午餐時間選擇了這間燒肉谷吃半自助燒肉午市套餐，選了牛2品燒牛肉盛盒，牛肉份量足夠，牛肉質素ok, 自助bar 有熱食及白飯，蘿蔔牛腩夠淋，可樂雞翼，炸彈燒賣，也有蔬菜菇類等可燒烤，前菜有中華沙律、螺肉，甜品有數款mochi, 味道不太甜，飲品有多款罐裝選擇，茶類、汽水、涼茶等，也有自助咖啡，及雪糕，雪糕糯米糍，水果等等。職員服務態度非常友善，坐位也舒適，適合聚餐，雖然是75分鐘，也沒有好像其他店催促埋單，耐心教導做會員儲分，價錢也大衆化！…查看更多

入座後，店員會解釋幾個餐嘅特色，真正落單先開始計時，好公道。揀咗Lv 4 120m 日本佐賀A4和牛海鮮放題, 絕對唔平，但係值得！和牛當然係重點啦，第一round，餐廳會用靚靚木盒將各款佐賀和牛以每人一片份量送上，presentation加分。母親節正日，仲會加咗decoration喺部份擺盤。怪不得上第一round之前需要啲時間。上菜前可以喺自助bar揀小食、沙律、飲品，生果，甜品… 仲有可以燒嘅蔬菜，望落好新鮮就揀咗秋葵同冬菇，都好好食。等和牛同海鮮嘅時候，試咗一啲，職員好親切咁同我哋講記得留肚食靚牛呀！食放題好多時都好心急，特別係燒肉燒海鮮要時間，雖然自助吧啲食物都OK，但真心下次真係要留肚食更多靚牛😉職員好主動更換燒烤網，另外值得一讚係餐廳空氣流通，本身好抗拒燒烤，食緊同食完BBQ味總係揮之不去，但依度冇咁嘅情況。…查看更多

佐賀燒肉谷的午餐定量半自助，我叫的是V2餐，加上自助吧上的不限量白飯，完全足夠一個成年人食量。自助吧的雪櫃有大約20款飲品，也有即沖咖啡和熱茶，總有一款適合你。同時亦有數款前菜和小食，讓你在等上菜時不用呆坐。最開心的是有數款雪米糍和雪糕機，今天是牛奶和草莓味，已知還有抹茶味。枱上還有多款配料diy雪糕。餐廳內的環境十分舒服，因為都是卡座十分舒適。店員也十分好客、熱情，枱面上的空碗碟也會及時清理。餐廳適合各個年齡層人士，十分滿意…查看更多

已是數次encore 的店，今晚想與朋友寧靜地享受晚餐，二話不說地再次選擇這裏。甫入門便受到員工們的熱情有禮的接待！食物種類豐富而且品質穩定地好，上菜速度亦非常迅速；加上座位擺放與環境設計都舒服，員工們服務態度都非常良好，很熱情，而且會適時地主動換網及提供協助，值得一讚！是次選擇了LV.3，性價比個人覺得不錯，這套餐既有新鮮的海鮮，又有啤酒梅酒任飲，而且牛肉的品質又優秀，是次用餐跟平常一樣，十分滿足。下次一定會再次光顧！…查看更多

已是數次encore 的店，今晚想與朋友寧靜地享受晚餐，二話不說地再次選擇這裏。甫入門便受到員工們的熱情有禮的接待！食物種類豐富而且品質穩定地好，上菜速度亦非常迅速；加上座位擺放與環境設計都舒服，員工們服務態度都非常良好，很熱情，而且會適時地主動換網及提供協助，值得一讚！是次選擇了LV.3，性價比個人覺得不錯，這套餐既有新鮮的海鮮，又有啤酒梅酒任飲，而且牛肉的品質又優秀，是次用餐跟平常一樣，十分滿足。下次一定會再次光顧！…查看更多

食物選擇都算多，有四個Set可以選擇有唔同肉，前菜/沙律，日式料理，蔬菜貴set 有好多海鮮出面飲品都算多 又有甜品仲有麵/飯/湯 要有湯既朋友都滿足到.值得一讚嘅係員工態度真係好好，見到我哋有塊肉就嚟燶，即刻出手幫我哋燒然後中間都會過嚟望吓我哋嘅情況收碟都收得好快👍🏼.雖然價錢係貴少少，但係環境坐得好舒服，服務態度都好，如果係一班人嚟食都幾值得.除咗芝士年糕好食日式燒紫薯年糕好好食好QQ，做甜品收尾100分…查看更多

小編今日嚟到屯門市廣場，朋友推介一間日式燒肉放題 @guu_yakiniku ，話啲牛肉非常高質。作為牛魔王嘅小編梗係要試下啦。🐄🐄🐄「LV4日本A4和牛海鮮放題套餐」 $688和牛／牛肉／肉類／海鮮🥩🥓🍗呢個係餐廳最高級嘅set，小編見佢有咁多款和牛，食得多嘅話都算可接受。首先會嚟一個日本佐賀的A4和牛盒盛，一次試晒6款來自日本佐賀的A4和牛部位，包括和牛三角嫩肌、和牛薄炙牛肋肉、和牛角切、和牛肩胛、和牛小排同和牛牛肋條。建議由少啲油嘅開始食，再食到最多油花嘅，先食到佢嘅變化。六款入面小編首推和牛三角嫩肌，佢哋油脂又多又均勻，咬落去真係爆出嚟，充滿油香。小編忍唔住加咗兩三次單。每次都一樣高質，唔會靚得一輪，下輪俾啲流嘢你。若果嫌和牛太油，就一定要試下煙燻壺漬封門柳。食過封門柳都知佢雖然冇乜油，但肉質非常軟嫩。不過會有少少血／內臟味，呢個封門柳醃過之後就少咗呢啲味，反而帶少少甜味，好好食。「韓日祭」韓式及日式風味豚五花 🇰🇷🇯🇵依定家凡惠顧主餐牌LV3或以上級別套餐，頭盤隨即送日韓風味豚五花拼盤。唔知大家覺得韓式定日式風五花腩好食啲？唔識揀就唔好揀！我全部都要！「韓式厚切豬五花」有鹽蔥、韓式味噌、韓式辛辣醬汁，配上生菜、香蒜片、韓國青陽辣椒，偏薏味香口多。 「日式薄切豚五花」就係透過日本抹茶鹽／梅鹽／柚子鹽調味，變化比較溫和啲。另外可無限享用多款海鮮包括大海老、生蠔、原條魷魚筒等等共140品食物，以佢嘅質同量，小編覺得六百幾七百係抵嘅。前菜/小食／主食 🍗🍗🐤有胡麻豆腐、芝士竹輪、唔同炸物作小食。特別啲嘅係依家「韓日祭」，只要係LV3或以上級別套餐即可無限追加韓日料理，例如「煙肉炸薯波」、「御好燒」同「炸雞」，而且炸雞都有三款左右，有韓式有日式，實現炸雞自由！而出面亦都有自助吧，可以拎啲熱食，有一個麻辣雞翼，非常過癮，推薦大家試下。飲品 🍺🍻自助區有飲品櫃，都係啲大路嘅樽／罐裝飲品，款式唔算好多。但如果你係Lv.4套餐，可免費暢欲日本清酒及SAPPORO生啤。無限燒肉配無限啤油你都咪話唔正～甜品 🍦🍨🍧Lv.4套餐甜品可以任食Movenpick，唔想食杯裝亦有軟雪糕任擠。小編真係好佩服啲餐廳嘅staff可以咁穩擠到杯雪糕，小編就擠到pat 屎咁，俾朋友笑到面黃。總評 🫶🏻雖然套餐定價唔算平，但食物款式同質素對得住價錢。小編建議叫個Lv4，主攻和牛三角嫩肌、Movenpick同SAPPORO生啤～如果有小朋友／長者，又夠四個人可以喺Openrice 訂座，四人同行，小朋友／長者免費～環境方面屯門店都幾闊落，地方乾淨唔會黏笠笠，而且抽油煙夠力，抵讚！食物：8.2/10抵食：8/10環境：8/10佐賀燒肉谷 (屯門市廣場1期) (屯門)屯門屯順街1號屯門市廣場1期3樓3229號舖#hkig #hkfood #hkeat #hkfoodie #hkfoodlover #香港生活 #香港美食 #香港食評 #食評 #屯門 #屯門美食 #旺角 #旺角美食 #觀塘 #觀塘美食 #銅鑼灣 #銅鑼灣美食 #燒肉 #焼肉 #焼き肉 #和牛 #日式料理 #日本 #Japan #wagyu #barbecue #放題 #啤酒 #beer #海鮮…查看更多

情人節，食燒肉，選咗佐賀A5和牛餐，嚟咗個頭盤，一開頭仲記住每邊一個部位最好食，但發現原來每一個部位都係咁好食，入口即溶，全部encore左五次，海鮮又新鮮，職員態度好好，又幫你換網，唔怕燶，冇漏單，唔怕你食得多，只要唔浪費，食完大滿足。…查看更多

咁岩去屯市有野做 順便食年飯 所以過黎呢間燒肉放題試試我地叫左個LV 3 澳洲和牛海鮮放題一坐黎先黎左個頭盤頭盤牛肉色澤有些灰暗 品質一般海鮮方面品質都一般 扇貝青口較為淡口 螺同蝦正常QR CODE落單 日式料理落左羊肉串同羊腸 原來係生串 黎到要自己燒之後令我一直懷疑 其他日式料理係唔係都係生 落單入面有羊既項目 點解唔將佢直接放入去呢?羊品質唔錯 羊架都OK 但爐頭個網有D廢 放幾個羊架 成個網凹左壺漬封門柳係咁多牛入面最入得口既牛其他牛非常差 不論美國牛定澳洲和牛 冇肉味而且非常鞋最值得推介係燒蠔隻隻飽滿 蠔味濃郁 唔需要任何調味已經好食呢樣係全餐最好既食物另外雞爽肉都唔錯 呢樣野基本唔會衰 【係肉本身唔差】最後結論 我覺得頂下癮 食平平地既餐就好LV 3 除左有燒蠔 其他野唔值呢個價…查看更多

屯門少有高質的燒肉店服務員細心提點我地每樣食物大約需時幾耐仲會落手協助我地燒難度比較高少少既食物，例如羊架，原隻魷魚。。。餐廳環境闊落，食材新鮮種類選擇都很多，甜品仲有Movenpick雪糕，畫上一個完滿句號。…查看更多

同朋友聚餐，想食燒肉，第一時間就諗起呢一間。食物質素好，員工服務態度好，好留心客人需要啲咩笑容親切，又留意到我地有咩需要。每一道菜品都精心準備，燒肉的鮮嫩口感加上特製的醬料，真係一試難忘。特別係牛肉和海鮮，質素非常高，絕對係頂級享受。環境坐得好舒服，四個人坐卡位啱啱好張枱都好夠位 放到哂咁多野食傾傾吓 又飲下酒仔 燒下野食 好爽舒舒服服地食左餐飯 好飽呀🥰朋友仔都食得好開心。大讚，真心推薦俾所有鍾意燒肉嘅朋友！…查看更多

話做緊優惠，最高級日本和牛餐減100，即係比第二級澳洲和牛只貴70，但媽媽怕日本和牛太油所以吾揀。上次送壽喜燒牛肉，吾識搞，服務員主動幫忙，結果都係怪。今年再黎，話送鱔，本來期望不高，但媽媽想食就要啦。點知送既係厚肉鱔，仲有4大片，媽媽食得開心，但可惜冇得再叫。其實鱔仲容易／好燒過佢餐附既螺。。。個螺燒到跳殼都未知食得未，結果乾晒。。。肉正常地好，大推肉眼芯同牛舌。今次幾乎冇拎出面野食，但希望菠蘿可以切厚d。值得一讚係枝豆，每次都熱既，而且撒滿足夠均勻既鹽，比出門任食都比凍既好太多！…查看更多

屯門市廣場燒肉谷有任食海鮮好吸引，見到連鮑魚、帶子、大蝦、原隻生蠔都可以任食，所以就揀咗Lv3，除咗有Lv3 專屬嘅和牛、海鮮系列，LV1-2 嘅食物都可以任食，仲可以免費🆓暢飲日本清酒同生啤，都唔錯📷餐廳座位闊落，空間感十足，坐得好舒服🤗食物嘅種類超多，好適合同一班朋友聚會，職員服務態度好好，而且上菜速度好快，又唔會漏單，非常加分🍽 LV3澳洲和牛海鮮放題（1️⃣2️⃣0️⃣分鐘）💰HK$518 /person ✨推薦指數：8/10🍴肉類系列（牛、豬、雞、羊）一開始就上咗個靚靚擺盤嘅和牛天梯，一次過放哂咁多款和牛系列，打卡一流🤩📸每款試完之後就可以慢慢揀邊款encore 🤤🐮牛肉系列有澳洲和牛肉眼芯、和牛特上牛肋肉、和牛上級牛胸肉、煙燻壺漬封門柳、牛板腱、厚燒牛舌，仲有唔同調味，例如醬醃、鹽燒、黑椒味等🐷豚肉系列有豚五花、豬頸肉、梅花肉等🐥雞肉系列有椒麻雞腿肉、醬燒赤雞雞肉爽、雞翼、雞腎等🐑羊肉系列有香草羊架、羊小腸串、羊黑毛肚串等等，都比較少有燒食放題會有咁多款羊食😂和牛係呢個餐既特色，油脂比例比較重，燒完點醬汁再點隻日本生蛋食就惹味得嚟又滑溜😋我哋最愛嘅係煙燻壺漬封門柳，食落油脂分布均勻，肉質嫩滑唔鞋口，牛肉味幾重，所以我哋都係咁encore 😋😋😋椒麻雞腿肉都好有記憶點，調味調得岩岩好，麻麻哋唔會太辣，雞腿肉好嫩滑juicy🤤🍴海鮮系列呢度嘅一大賣點係可以任食海鮮🦐🐙🐠，包括有原隻鮑魚、原隻燒生蠔、原隻魷魚筒、帆立貝、大海老、青口、鰻魚、多春魚等等，真係超多選擇👍🏻Lv3 仲送白鱔配鰻魚汁同檸檬鹽醬添🥳👧🏻最愛喺燒鮑魚、魷魚筒同燒大海老同，魷魚真係超大粒又彈牙，魷魚筒大大隻加埋汁燒就更惹味🤩大海老隻隻都好巨型，食落肉質爽口彈牙，證明夠新鮮🦐🤤👦🏻就話多春魚都好正😋記住必嗌海鮮呀🤩回本之選😌👍🏻🍴日本清酒生啤系列Lv3包免費任飲日本清酒同Sapporo 生啤，又點可以錯過呢😚今次嗌咗梅酒，飲落甜甜哋，岩哂配燒肉呀🤗🍴自助系列✨推薦指數：7/10自助區仲有多達40款食物，包括前菜、沙律、日式料理、蔬菜、粉麵飯、甜品、糖水、飲品、雪糕等，都係好多選擇，不過相對無咁吸引，都係prefer食返燒肉同海鮮🤣…查看更多