十下火鍋

＂十下＂的確係俾好多blogger 既相吸引左黎一試🤣環境係我最鍾意嘅港式懷舊裝修，霓虹燈加上大排檔嘅style😆全晚不斷咁樣聽譚詠麟、梅艷芳、張國榮等等嘅懷舊歌，對於我哋呢啲80後的確係湧現好多回憶🤤(冇辦法我係一個名副其實嘅懷舊控)二人火鍋套餐：湯底揀咗胡椒豬肚湯&十下麻辣大紅鍋，我自己習慣將花雕雞嫩肉首先放入豬肚湯底，等雞肉吸收晒胡椒豬肚嘅香味🤤＂三寶滑＂最推介係蝦膠丸咬落去勁彈牙，牛肉滑真係有平時飲茶食嘅山竹牛肉質感🤣火鍋必備＂大刀手切牛＂即叫即切，份量夠大碟而且牛味極濃！建議大家唔好煮得太熟，因為呢款牛肉煮得太熟會好難咬😎＂流心牛丸＂牛丸爽口彈牙，咬落去有超多嘅湯汁，加上好燙口要非常小心！味道就一流，最鍾意咬落去有驚喜🤣鴨血一啲都唔腥唔會一夾即散。賣單六百幾呢個價錢喺銅鑼灣食高質打邊爐真係一啲都唔過分🤤二人份量其實到最後都未必食得晒🤣