十下火鍋

雖然已經算係秋天，但氣溫仲係居高不下，一出室外已經流晒大汗，不過仍無損我地對打邊爐既熱愛! 久仰「十下」大名，趁有飯局梗係同班閨蜜試試佢!店內裝修格局係舊式屋企咁，木枱、唔同款式既櫈、懷舊大鐘等，好似返左去8、90年代。我地一行四個女仔，叫左兩個二人套餐，因為我地比左個「養生豆乳白鍋」同「烤花生沙爹鍋」吸引左。😋朋友仲未到齊，偷飲左一啖湯，豆乳湯有少少藥材味，味道偏鹹，但說好的豆乳呢？沙爹湯味道濃郁，花生味好香，味道比較突出。朋友黎到，食物都啱啱上齊! 呢度用既係萬壽無疆碗碟，真係好似返左去以前爺爺嫲嫲屋企食飯咁!脆炸魚骨 - 出面好少食到炸魚骨，酥炸過後比較硬，需要浸耐d先咬到，定係我唔夠牙力咬呢🤔!?陳皮魚蛋 - 有好香既陳皮味，魚蛋彈牙煙韌。十下三寶滑 - 我地最欣賞既係牛肉滑同墨魚滑，牛肉滑既牛味好香，墨魚滑有鹹蛋黃做餡，好特別!蔬菜拼盤 - 生菜非常新鮮，蘿蔔無渣鮮甜，略嫌粟米無甜味。仲有掛住食唔記得影既本地手切肥牛，好嫩滑，但唔夠牛肉味。而三星蔥醬爆貢丸非常彈牙，真係要小心醬爆，真係會咇晒出黎。黑爽豬肉餃 - 有d懷疑係咪比錯左另外一個餐既蟹肉蟹粉餃，因為餡係一絲絲蟹肉唔似