牛県

营业中

休息中

呢間石燒店有好多款牛嘅部位選擇，心大心細中，店員好推介腹心肉，話好多客人都食呢個部位，我地就聽店員推介選擇咗腹心肉，呢度有3個size選擇，我地叫咗200g,，我地仲加咗32蚊要套餐，簡咗飯，湯，薯條。牛排上枱時咋咋聲，舊石好夠熱，可以隨時跟住自己喜好，煎到鍾意嘅生熟度，配埋佢地嘅黑胡椒同岩鹽，可以吊起牛嘅味道，食落牛味好重，好juicy,好正。牛県燒肉海膽丼，佢地個餐牌張相已經勁吸引，因為我勁鍾意食海膽，所以唔使諗就叫咗呢個定食，定食仲包埋麵豉湯，小食同沙律，麵豉湯好鮮甜，原來係有蜆喺麵豉湯入面，而沙律係薯仔沙律，都幾好味，個飯嘅海膽好creamy,好鮮甜，魚子粒粒大大粒，完全冇腥味好鮮甜，而牛肉都肉味十足，3樣野夾埋一齊食，好正。