影片
更多
2024-10-09
466 浏览
別出心裁之《The Pearl》今日去咗位於尖沙咀瑞生酒店樓下嘅酒店bar😎，食物同環境都十分高質👍🏻。哈密瓜柏馬火腿沙律配巴馬臣芝士、松子仁及黑醋橄欖油汁：當日冇無花果提供，所以轉咗哈密瓜畀客人。味道方面沙律菜配橄欖油，好傳統同地道既沙律味道，令人開胃😊，哈密瓜非常甜。吞拿魚牛油果泡沫他他配自製羅勒油：有驚喜👍🏻，吞拿魚新鮮，配上牛油果泡沫他他同自製嘅羅勒油，令味道提升，而甜甜酸酸嘅醬汁味，味道不錯。和風醬油大蝦煙肉扁意粉：意粉方面選擇和風醬油大蝦煙肉扁意粉，濃濃和風醬油味十分出色，意粉煙韌；大蝦爽口，我同朋友都讚不絕口👍🏻。香煎牛封門柳：選擇咗七成熟，但係絕對唔韌，肉汁鮮甜、口感有層次，配上獨有嘅chimichurri醬汁，清新可口，別有一番風味😄。First Crush & Passionate Night：由於朋友唔飲得含酒精類嘅飲品，所以選擇左味道比較清新嘅First Crush。而誤打誤撞地🙈，本來餐廳係會以菠蘿汁作為主要材料，但因為當時啱啱賣曬，所以轉咗用蘋果汁，令到感覺更加清新，加上自製嘅糖漿及梳打水，令到呢款飲品非常易入口；而Passionate Night，則比較適
今日去咗位於尖沙咀瑞生酒店樓下嘅酒店bar😎，食物同環境都十分高質👍🏻。
哈密瓜柏馬火腿沙律配巴馬臣芝士、松子仁及黑醋橄欖油汁：
當日冇無花果提供，所以轉咗哈密瓜畀客人。味道方面沙律菜配橄欖油，好傳統同地道既沙律味道，令人開胃😊，哈密瓜非常甜。
吞拿魚牛油果泡沫他他配自製羅勒油：
有驚喜👍🏻，吞拿魚新鮮，配上牛油果泡沫他他同自製嘅羅勒油，令味道提升，而甜甜酸酸嘅醬汁味，味道不錯。
和風醬油大蝦煙肉扁意粉：
意粉方面選擇和風醬油大蝦煙肉扁意粉，濃濃和風醬油味十分出色，意粉煙韌；大蝦爽口，我同朋友都讚不絕口👍🏻。
香煎牛封門柳：
選擇咗七成熟，但係絕對唔韌，肉汁鮮甜、口感有層次，配上獨有嘅chimichurri醬汁，清新可口，別有一番風味😄。
First Crush & Passionate Night：
由於朋友唔飲得含酒精類嘅飲品，所以選擇左味道比較清新嘅First Crush。而誤打誤撞地🙈，本來餐廳係會以菠蘿汁作為主要材料，但因為當時啱啱賣曬，所以轉咗用蘋果汁，令到感覺更加清新，加上自製嘅糖漿及梳打水，令到呢款飲品非常易入口；而Passionate Night，則比較適合喜歡刺激口感，同甜甜提子汁嘅朋友😊
總結值得幾讚地方，其一擺設方面，餐廳別出心裁，令到所有菜式，都以美觀賣相去分享畀客人。其二餐廳環境方面，有吧檯、卡位、大枱，每一個位置都有打卡點。另外亦設有室外位置，可以供有食煙朋友享用。其三店員喺上每一道菜嘅時候都有講解，每一道菜嘅特點撞非常貼心👍🏻。
张贴
