天天海南雞飯 (Fashion Walk)

营业中

休息中

今次已經唔知係第幾次嚟食天天海南雞。門口一入去有個好大個酒櫃右邊係酒吧，入面係餐廳。餐廳裝修嘅氛圍都好浪漫🌹擺盤、餐具都好講究，而且啲碟嘅花紋設計其實都幾靚下。山長水遠嚟到港島區，梗係叫個最出名嘅天天海南雞啦。雞件方面，相片都好清楚見到啲雞好嫩，雞肉都好新鮮。右手邊係一個雞汁，我覺得可以雞汁撈飯，幾好食😋然後另外三個獎都係甜醬、酸醬同薑蓉。今次叫咗油飯，如果有雞汁，我建議叫白飯撈汁都好香。因為如果油飯嘅話，雞汁會蓋過雞油飯嘅油香味。呢兩件蝦多士走巴閉啦，兩層厚，上面加咗松露醬。一上枱就要即刻食，雖然好熱，但係好脆口。蝦多士兩件麵包中間夾咗一塊黑色，個人覺得係墨魚滑，口感唔錯。酸菜魚方面，魚嘅份量出奇地多，而且個湯好好味，最後飲晒。豬腳都叫埋，但最後食唔晒，要打包。好豐富骨膠原好入味，忟得好夠軟熟。豆腐花仲正，有啲似雙皮奶咁，上面有一層皮，下面係滑脫脫嘅豆腐花。