影片
更多
2019-05-29
148 浏览
平時通常都係約埋一大班人打邊爐, 但呢日咁岩落雨就同男朋友2個諗住去食D暖野打下邊爐咁! 去到銅鑼灣見到有好多打邊爐嘅餐廳, 十下特別嘅地方係佢地竟然有二人套餐,打邊爐再唔係只限一大班人嘅活動!成間餐廳嘅佈置好舊式香港feel, 連D碗碟都係懷舊風, 連播嘅歌都係香港舊時嘅流行曲, 感覺就好似返左去80年代一樣!二人set已經包左醬料同埋飲品, 我地就叫左一jar酸梅湯, 岩哂打邊爐飲, 好開胃!湯底方面, 由於我地都唔食辣嘅關係, 就叫左養生豆乳白鍋同埋滋潤本瓜蕃茄鮮魚湯! 先講下養生豆乳白鍋, 湯底有豆腐紅棗紀子同埋其他藥材, 食落有淡淡嘅中藥味, 但又唔會太濃同太苦, 岩哂鐘意養生嘅朋友! 另外嘅滋潤本瓜蕃茄鮮魚湯就竟然真係落左好大條魚尾去煲, 仲有淮生同原隻蕃茄, 蕃茄味好濃好足料!二人set包左十一款菜料, 最推介嘅有: 大刀手切本地牛肉, 厚薄適中, 而且份量幾多,食落牛味都幾重!花雕雞嫩肉: 食落真係有D花雕酒味好香! 肉質亦好解嫩, 烚完都一樣好滑!懷舊果皮魚蛋: 好耐無食過呢隻魚蛋, 食落有淡淡甘甘地果皮味, 但同時亦好彈牙!流心粟米丸: 好特別! 本身以為係芝士流心
打邊爐再唔係只限一大班人嘅活動!
成間餐廳嘅佈置好舊式香港feel, 連D碗碟都係懷舊風, 連播嘅歌都係香港舊時嘅流行曲, 感覺就好似返左去80年代一樣!
二人set已經包左醬料同埋飲品, 我地就叫左一jar酸梅湯, 岩哂打邊爐飲, 好開胃!
湯底方面, 由於我地都唔食辣嘅關係, 就叫左養生豆乳白鍋同埋滋潤本瓜蕃茄鮮魚湯! 先講下養生豆乳白鍋, 湯底有豆腐紅棗紀子同埋其他藥材, 食落有淡淡嘅中藥味, 但又唔會太濃同太苦, 岩哂鐘意養生嘅朋友! 另外嘅滋潤本瓜蕃茄鮮魚湯就竟然真係落左好大條魚尾去煲, 仲有淮生同原隻蕃茄, 蕃茄味好濃好足料!
二人set包左十一款菜料,
最推介嘅有: 大刀手切本地牛肉, 厚薄適中, 而且份量幾多,
食落牛味都幾重!
花雕雞嫩肉: 食落真係有D花雕酒味好香! 肉質亦好解嫩, 烚完都一樣好滑!
懷舊果皮魚蛋: 好耐無食過呢隻魚蛋, 食落有淡淡甘甘地果皮味, 但同時亦好彈牙!
流心粟米丸: 好特別! 本身以為係芝士流心,
點知食落先知係粟米, 流出來嘅好似粟米忌廉湯咁, 唔鐘意食芝士嘅人(好似我咁)
應該就好鐘意呢個配搭!
鳳城水餃: 好足料嘅餃, 有菜同大隻蝦! 不過只有2隻haha,
如果多返D就好啦!
脆炸響鈴: 好大碟響鈴, 有成6舊咁多, 而且好香腐竹味! 岩哂我呢D鐘意食響鈴嘅人!
十下三滑寶: 有鯪魚滑同墨魚滑, 可以自己分開佢再烚! 味道好鮮甜,好耐未食過呢類要自己拆開嘅魚滑, 真係重拾以前嘅感覺!
寬冬粉: 好少食到寬嘅冬粉, 咬落好滑好好彈牙! 最後烚嘅冬粉仲索哂D湯底好入味!
二人套餐睇落好似唔係好多野, 點知食落就知好飽! 仲要每樣有D, 可以一邊食到好多懷舊食物一邊重溫香港舊時情懷!
张贴
