盈館

营业中

休息中

今日去呢間盈館食冰火二重天即係🔥火焰鹽燒雞同🧊冰鎮咕嚕肉。除此之外仲有晚市優惠，$58一條沙巴龍躉。屋企人鍾意食魚，仲叫咗深海龍躉兩味：金銀粉絲蒸躉頭腩&翡翠炒龍躉球。火焰鹽燒雞就非常IGable，用現場點火用烈酒燒一燒隻雞，之後再幫你斬件。除咗有得睇仲有得玩，可參加乒乓波抽獎，在坐位位有份抽，獎品包括：火焰鹽焗雞免費 /半價/八折。我就好彩抽到半價。冰鎮咕嚕肉就外冷內熱，個冰盤好大個，入面份量都有十幾舊。咕嚕肉肉質爽淋，外皮掛汁。不失為一份好嘅咕嚕肉。仲有晚市優惠，嗰條一斤嘅沙巴龍躉都斤両十足，屋企人都食得滿意。