影片
更多
2019-12-31
385 浏览
不知何解，一說起下午茶，總是同女性扣上關係，但我相信，喜歡甜點既男士大有人在，至少食友N就係表表者，只不過每次都係趁太太不在身邊就「作反」。但如果只要有水準，又或者真心愛好美食，又點會考慮咁多吖！東京牛奶起司工房一向深受女士歡迎，今次聯乘Hotel Icon Green 推出午茶套餐，將會在1月帶給大家前所未有的「芝」味享受。Including unlimited Signature Hokkaido Jersey Milk and Yuen Yeung Soft Serve Ice Cream by Tokyo Milk Cheese Factory 每個下午茶套餐包括任食東京牛奶起司工房 北海道十勝澤西牛奶及駕鴦味軟雪糕居然可以任食雪糕，仲要有兩款口味，真係食多兩杯都已經回本，當年曾經鯨吞20球 regular 雪糕一役，至今仍在回味，家陣隨時可以美夢重溫。雪糕雖然美味香滑，但總是覺得未夠凍，所以好快就溶，好彩係杯仔細細，可以好快食晒！ALL TIME CLASSICS 經典配搭 Traditional Scones with Clotted
不知何解，一說起下午茶，總是同女性扣上關係，但我相信，喜歡甜點既男士大有人在，至少食友N就係表表者，只不過每次都係趁太太不在身邊就「作反」。
但如果只要有水準，又或者真心愛好美食，又點會考慮咁多吖！
東京牛奶起司工房一向深受女士歡迎，今次聯乘Hotel Icon Green 推出午茶套餐，將會在1月帶給大家前所未有的「芝」味享受。
Including unlimited Signature Hokkaido Jersey Milk and Yuen
Yeung Soft Serve Ice Cream by Tokyo Milk Cheese Factory
每個下午茶套餐包括任食東京牛奶起司工房
北海道十勝澤西牛奶及駕鴦味軟雪糕
居然可以任食雪糕，仲要有兩款口味，真係食多兩杯都已經回本，當年曾經鯨吞20球 regular 雪糕一役，至今仍在回味，家陣隨時可以美夢重溫。
雪糕雖然美味香滑，但總是覺得未夠凍，所以好快就溶，好彩係杯仔細細，可以好快食晒！
ALL TIME CLASSICS 經典配搭
Traditional Scones with Clotted Cream and Jam
傳統英式鬆餅配奶油忌廉及果醬
做得比較小巧，分別塗上 Clotted Cream 同果醬，一口一半，口感酥化，不錯。
SAVOURIES鹹點
Crispy Cheese with Tomato Dip
脆炸芝士配番茄醬
芝士炸得外脆內軟，依然有濃郁的芝士幽香，配上蕃茄的微酸，正好起了平衡的作用。
Chicken Teriyaki on Toast
和風照燒雞肉多士
雞肉好入味，個人覺得略嫌多汁，乾身一點更好，因為多士會變稔。
Roasted Eel on Toast
炭燒鰻魚多士
鰻魚配多士，兩種截然不同的口感，未必個個喜歡，自己還是覺得做壽司更好。
Curry Hash Brown
咖哩薯餅
炸得脆脆地，吃得出薯仔的質感，咖喱味不會過於強烈，或者如果味道太勁，會蓋過牛奶芝士味吧！
Savoury Egg Custard with Crabmeat
蟹肉燉蛋
貫徹了充滿和風的下午茶，燉蛋火喉啱啱好，連埋蟹肉一齊食，甜美可口。
SWEETS
Hong Kong Exclusive Yuen Yeung Cookie
香港限定鴛鴦曲奇
只在香港供應，兩片薄片夾心，咬落酥脆，呷一口伯爵茶，確是無以上之的享受。
Milk Cheesecake
牛奶芝士蛋糕
店方名物果然不同凡響，軟綿幼滑，卻又充滿彈性，芝士味濃郁卻又不過火，每一口都是享受，一口未完已經想緊接下一口，就算自己不是甜魔，亦深受感動。
Hokkaido Jersey Milk Roll
北海道牛奶芝士卷
感覺上好似瑞士卷，但質地會比較輕柔，多了一份芝士的香氣，原來使用了北海道頂級澤西牛奶結合香濃 Mascarpone 軟芝士，其實好啱邊飲茶邊嘆。
Cow Cow Puff
牛奶芝士泡芙
泡芙質地鬆軟有嚼口，外層是金文拔芝士曲奇皮製，內裡是北海道 Mascarpone 軟芝士、金文拔芝士及鮮忌廉，傳來陣陣芳香，挑起了食慾。
Japanese Rice Pudding with Tropical Mango
日本米布甸伴芒果
芒果真係好啱配任何甜品，小巧的透明杯，黃白相間，置底的米布甸雖然甜滑，但吃得出粒粒的質感。
Served with homemade lemonade, freshly brewed coffee or tea
每位可選自家製檸檬汁、即磨咖啡或茶
DRINKS 飲品
翻開Menu背面，全頁紙都是飲品，先是品牌 ILLY COFFEE，咖啡類有Espresso 意大利特濃咖啡、Cappuccino 鮮奶泡沫咖啡、Mocha 朱古力咖啡、Double Espresso 雙倍意大利特濃咖啡及Latte 鮮奶咖啡。
至於茶類，選擇更加多，有英國早餐茶English Breakfast Tea、皇家大吉嶺 Royal Darjeeling、高綠茉莉花茶 Grand Jasmine Tea、銀月綠茶 Silver Moon Tea、盛夏緋紅Eternal Summer Tea、煎茶 Sencha、花果山茗茶 Fruit Mountain Tea與及蝴蝶夫人之茶Geisha Blossom Tea。
仲有伯爵茶 Earl Grey、洋甘菊茶 Chamomile、波本香草紅茶 Vanilla Bourbon Tea、摩洛哥薄荷茶 Moroccan Mint Tea、蜜糖法蘭西茶Sweet France Tea、玫瑰芬香茶、Bain De Roses Tea竹與及 巴黎新加坡 Paris-Singapore Tea。
在云云茶類中，自然地選了伯爵茶，很喜歡佛手柑的沁入心靡的香氣，令人有心曠神怡的感覺。
P.S : 整個下午茶每位 $328 （PER PERSON），而兩位 $598 （FOR TWO PERSONS）。
张贴
