GREEN

上年帶阿仔黎green食high tea慶祝生日，服務同食物都好好，仲有糕餅總廚親自介紹同熱情招待，知道我幫小朋友慶祝生日，仲肯幫我碟邊寫生日快樂。今年見有Godiva 主題，立刻決定再去幫小朋友慶祝生日。結果，與上年兩回事，今年分兩節時間，一節2:45-4:45，另一節因為6點後無堂食，只可4:45-6:00，問可否3點幾到，照食兩小時，話唔得，因分左2節，但因我2:45趕唔到，唯有照訂4:45，要俾300元訂金，然後希望可以好似上年碟邊寫字，佢話要額外再叫甜品先可以，但我2大1小，叫三人份量的tea set已食唔晒，所以無奈地無辦法叫。當日去，4:45坐低，侍應已黑黑地臉，服務非常一般，同去年差天共地，然後夠膽5:30同我地講last order，話要拎雪糕請去拎，但其實我地係4:45先入座（佢地分左2節時段），咁你要咁早last order就唔好分兩節時段啦，講真價錢又唔係平，我坐左45分鐘，個set都食唔到幾多就收出面的任食雪糕，會唔會離譜左。下次唔想再幫襯，好失望