中華小館

营业中

休息中

前幾日同媽媽慶祝生日🎂，帶咗佢嚟呢一間之前我哋嚟過一次媽咪覺得好好食嘅中華小館🥰餐廳裝修木系設計，比人一種古色古香嘅風味🤎今次叫咗以下四款美食:✨花膠海皇羹✨非常多嘅花膠，膠原蛋白超豐富，而且食落一啲都唔腥，每一啖都食得出真材實料！當然要俾大大碗媽咪食補一補！✨鮑魚鵝掌✨好入味嘅鮑魚同鵝掌，調味調得剛剛好，鮑魚仲好煙韌彈牙！✨奶油蝦✨、✨三色蝦✨奶油蝦同三色蝦各有特色，奶油蝦原隻蝦上碟，香滑奶油味濃郁，令到蝦鮮甜味更突出！三色蝦整成丸，入口彈牙又多汁，三款口味都非常鍾意食！✨整體我同屋企人都非常滿意，見到仲有好多食物都幾吸引，下次仲會再回訪！