DALLOYAU

营业中

休息中

繼上次食完一試難忘後，隔左一個月左右又去試～果然冇失望，今次仲遇著好熱情嘅waiter貼心介紹每一道菜，令成個晚餐體驗更開心。前菜我地叫左個牛肉他他，食得出肉質好好，仲配埋薯條，冇得彈！食到咁上下，waiter建議我地留番少少牛肉他他，可配搭之後個主菜蔬菜千層酥！蔬菜酥個酥皮做得好脆，配合埋新鮮蔬菜，好FRESH！另一個法式油封鴨腿同樣好好味，因為味道較濃嘅關係，waiter建議我地叫左杯濃味嘅紅酒配搭番，果然個感覺好好！鴨腿肉質鬆軟，配合埋個法式芥末醬，口感一流！最後仲encore左心太軟同埋食左件蛋糕，為晚餐劃上完美嘅句號！食物質素好之餘，貼心嘅服務令人喜上加喜！真係真心推介！