一輪 (一門町市場)

营业中

休息中

行過兩次，唔使排隊，見到有人流，咁就入去試吓啦，點知伏到一個點!!!!1) 入去坐低，個杯裏便有粒飯，豉油碟有啲菜渣．． 清潔衛生問題都幾嚴重喎2） 一個負責燒烤，三個侍應企喺度吹水，咩玩法？3）沙律湯都正常，但係重點嘅碗飯！ 明明係珍珠米嘅白飯，但係煲到好似軟飯王咁，仲要冇米味，冇牙都食到，不過冇味咁解⋯⋯4）主菜．．牛基本上兩舊肉係冇味嘅，唔好話和牛，連麥記塊漢堡都好食過佢，仲要淋到冇咬口純粹靠啲汁先食得落，唯一可取就係啲芝士，終於有啲芝士味。總結： 牛冇牛味，飯冇飯味！ 究竟我食緊啲乜？ 食完真係嬲㗎。