影片
更多
2022-12-18
40 浏览
試過幾次印度菜覺得唔錯，不過印度素食就係第一次(๑˃̵ᴗ˂̵)今次呢間餐廳有成六十五年歷史，全球都有分店。一入店內有別於傳統印度餐廳，裝潢時尚型格，有好多印度特色嘅擺設，仍然保留滿滿印度色彩。.🌕 Bambaiya Dahi Puri $75孟買酸奶油炸圓脆泡芙係印度街頭小食，油炸泡芙咬落非常薄脆，裏面有薯仔同小扁豆，加上鋪面嘅脆脆米，口感豐富。淋上香料酸奶、薄荷甜酸醬，味道有層次，清新又開胃。.🫓 Stuffed Paratha $49餡餅有薯仔/乾酪/芝士3款選擇，咬落煙煙韌韌帶點微脆。薯仔餡餅中間夾住香料薯蓉，就咁食唔使蘸汁已經好夠味。.🥘 Paneer Kadai $105乾酪洋蔥番茄汁濃稠creamy，辣度比一般咖喱低，帶番茄酸甜同洋蔥香味，增添多重滋味！配上印度芝士Paneer，口感似硬豆腐，帶淡淡奶香，素食咖喱都唔會遜色，配Paratha或Naan食一流( ˘ ³˘).🍞 Pav Bhaji $85Menu見到張相係咖喱配牛油餐包，呢個組合比較少見ఠ_ఠ餐包熱辣辣，煎脆咗好香牛油味，淋上香濃惹味嘅芝士薯仔咖喱一齊食，幾有驚喜！.🥪 Aamchi Mumbai Sandwich
試過幾次印度菜覺得唔錯，不過印度素食就係第一次(๑˃̵ᴗ˂̵)今次呢間餐廳有成六十五年歷史，全球都有分店。一入店內有別於傳統印度餐廳，裝潢時尚型格，有好多印度特色嘅擺設，仍然保留滿滿印度色彩。
.
🌕 Bambaiya Dahi Puri $75
孟買酸奶油炸圓脆泡芙係印度街頭小食，油炸泡芙咬落非常薄脆，裏面有薯仔同小扁豆，加上鋪面嘅脆脆米，口感豐富。淋上香料酸奶、薄荷甜酸醬，味道有層次，清新又開胃。
.
🫓 Stuffed Paratha $49
餡餅有薯仔/乾酪/芝士3款選擇，咬落煙煙韌韌帶點微脆。薯仔餡餅中間夾住香料薯蓉，就咁食唔使蘸汁已經好夠味。
.
🥘 Paneer Kadai $105
乾酪洋蔥番茄汁濃稠creamy，辣度比一般咖喱低，帶番茄酸甜同洋蔥香味，增添多重滋味！配上印度芝士Paneer，口感似硬豆腐，帶淡淡奶香，素食咖喱都唔會遜色，配Paratha或Naan食一流( ˘ ³˘)
.
🍞 Pav Bhaji $85
Menu見到張相係咖喱配牛油餐包，呢個組合比較少見ఠ_ఠ餐包熱辣辣，煎脆咗好香牛油味，淋上香濃惹味嘅芝士薯仔咖喱一齊食，幾有驚喜！
.
🥪 Aamchi Mumbai Sandwich $85
除咗濃味嘅咖喱，亦試吓清新嘅經典孟買烤三文治，多士烤得好夠脆，夾住薯蓉、青瓜、番茄、芝士，配薄荷酸辣醬，輕盈健康之選！
.
🥭 Mango Lassi $59
芒果味道天然，果甜同乳酪味道balance，質感綿密濃稠，而且加入印度香料茴香籽，增添特別香氣。
.
🥛 Pistachio Milkshake $58
開心果奶昔口感幼滑，帶有淡淡奶
香，仲加有開心果雪糕及果仁碎，令開心果味道更突出。
.
總括而言：今次印度素食初體驗非常不錯(´ ᵕ｀*)餐廳環境寬敞，裝潢充滿印度特色又色彩繽紛，用餐環境輕鬆愉快。Menu選擇好多，除咗傳統印度菜式，仲有特式嘅街頭小食、中印菜式、旁遮普式風味等等，平時比較少接觸到，下次要再試吓其他菜式！
张贴
