影片
更多
2022-09-01
46 浏览
沙田成日行過一田上面都見到有間舖頭有句slogan好搞笑，‘’雞肉太滑請用力夾緊‘’，而且仲係米芝蓮認證，成日都諗究竟d雞會滑成點，咁啱同媽咪行過佢話想食海南雞飯，咁就一於入去會會佢先得。餐廳裝修好舒適，而且一坐底就有一壼茶預備左係到，茶味好濃，比一般酒樓更出色，令我們更期待之後嘅菜式😆新加坡米芝蓮二人套餐 $499見到佢哋而家有個二人餐做緊promo減到$499，有齊前菜，小食燉湯，海南雞，蔬菜，油飯同飲品，見有最想食嘅海南雞同雞油飯，諗都唔使諗就嗌左佢。😆前菜：蝦皮素肉鬆涷豆腐天氣咁熱當然要叫個涷豆腐前菜降降溫，一尊涷豆腐放左係個好靚嘅圓盤中間，加埋d醬汁同埋裝飾，真係成件藝術品咁，真不愧為米芝蓮餐廳，豆腐冰涷而且入口順滑，加埋素肉鬆同蝦皮一齊食，增加左唔少食趣，另外少少辣嘅醬汁都好配合尊豆腐，整體配合幾出色，夏天食呢個菜一流！🤗小食：黑松露墨魚蝦多士媽咪專登點左呢個蝦多士，話以前好多地方都有呢樣野，不過愈來愈少地方有，所以見到呢到有即刻嗌黎食，媽咪話以前蝦多士係多士中間放入蝦膠，呢到改左放墨魚膠，再放原隻蝦落去一齊炸，再係上面淋上黑松露醬，食落味道好多層次，香濃嘅黑松露醬絕對冇
新加坡米芝蓮二人套餐 $499
見到佢哋而家有個二人餐做緊promo減到$499，有齊前菜，小食燉湯，海南雞，蔬菜，油飯同飲品，見有最想食嘅海南雞同雞油飯，諗都唔使諗就嗌左佢。😆
前菜：蝦皮素肉鬆涷豆腐
天氣咁熱當然要叫個涷豆腐前菜降降溫，一尊涷豆腐放左係個好靚嘅圓盤中間，加埋d醬汁同埋裝飾，真係成件藝術品咁，真不愧為米芝蓮餐廳，豆腐冰涷而且入口順滑，加埋素肉鬆同蝦皮一齊食，增加左唔少食趣，另外少少辣嘅醬汁都好配合尊豆腐，整體配合幾出色，夏天食呢個菜一流！🤗
小食：黑松露墨魚蝦多士
媽咪專登點左呢個蝦多士，話以前好多地方都有呢樣野，不過愈來愈少地方有，所以見到呢到有即刻嗌黎食，媽咪話以前蝦多士係多士中間放入蝦膠，呢到改左放墨魚膠，再放原隻蝦落去一齊炸，再係上面淋上黑松露醬，食落味道好多層次，香濃嘅黑松露醬絕對冇掩蓋蝦多士本身嘅味道，一層有咬口嘅蝦加一層脆卜卜嘅多士外層，再加內層軟身嘅麵包同有頭嘅墨魚膠，唔同層嘅口感味道配合埋一齊真係好出色，媽咪食完都大讚呢味菜。😍
燉湯： 鳳梨涼瓜干貝燉龍骨
一開始見到燉湯有鳳梨又有涼瓜覺得幾古怪，但飲落真係好好好清甜，涼瓜一d都唔苦，入面湯料又多，除左鳳梨涼瓜之外，仲有黃豆，干貝，金華火腿，龍骨等等，咁多材料燉出黎嘅湯果然冇令人失望，飲落去超潤喉。😋
天天海南雞
拎到米芝蓮嘅海南雞當然有特別之處，佢嘅雞都係精挑細選，皮下基本冇咩脂肪，非常健康，而且即使咁瘦，雞都仍然非常嫩滑，非常難得。🤩
蔬菜：參巴辣椒炒通菜
炒通菜夠晒鑊氣，通菜火喉啱啱好，而且辣辣地，用黎餸飯真係冇得輸！👍
雞油飯（小煲）
雞油飯原煲上，一開蓋就聞到陣陣香味，啖啖飯都食到雞油嘅香，果然雞靚飯又靚🤭👍
飲品：酸柑桔蜜同恐龍美祿
飲品係好特色嘅50年代menu，我們揀左恐龍美祿同酸柑桔蜜，媽咪好欣賞杯飲品，話好有集體回憶，由其是柑桔蜜入面仲有粒話梅，而家真係冇乜邊到有。😁
估唔到食米芝蓮都有咁多集體回憶，有機會帶媽咪黎呢到食飯真係好啦！🥰
T-able指數：3.9/5
张贴
