Shahrazad Lebanese Dining Lounge & Bar

同朋友去咗呢間好有中東風情的餐廳食午餐，餐廳環境很寬敞，服務員的服務都很有效率，也會很貼心地為你介紹食物🥘❤️扁豆湯原來佢每次頭盤個湯都唔同嘅，今次既扁豆湯係有好多唔同嘅豆煮成，例如有鷹嘴豆、扁豆等等，本身碗湯已經好有豆味，但係佢加埋檸檬汁飲，又別有一番風味啊！呢呢款真係驚喜！❤️烤雞、煙燻阿拉伯米飯、乳酪醬 hkd 188呢個烤雞都烤得好好，因為佢保留本身嘅肉質同埋肉汁！所以你會食到佢個口感係好鮮嫩既，配埋佢嘅秘製乳酪醬就好有中東嘅感覺！而佢嘅阿拉伯米飯就係比較濕d同埋比一般我哋喺香港食到嘅泰國香米淋一啲，可以試下！❤️milk pudding 💗呢一款係中東款式嘅牛奶布甸🍮所以唔同日本嗰一種，佢有開心果係面，個口感比較黏黏地，都係好特別嘅！其實就連佢嘅冷盤同埋熱盤都係非常好食，所以呢到既午餐真係令人好滿足嘅！😆😆👍🏼