影片
更多
2018-05-16
105 浏览
成日同朋友講：作為邊爐怪既我，無論咩時間都可以打邊爐。為左唔得個講字啦！我決定身體力行證明咦樣野，晏就一點去打個靚邊爐！今次黎左咦間充滿住懷舊情懷既火鍋店 - 十下。連個名都有feel過人，十下十下，一聽就知係打邊爐啦！一入去就feel到間野落左唔少心機係怖置到。因為上至天花吊燈，下至摺椅地板都係70,80年代既野。雪櫃都係廿年前係呀爺屋企見到個種綠色雪櫃，仲要連播緊既歌都係堆經典懷舊金曲。姐係聽完副歌其中一句會好想駁落古巨基首勁歌金曲到個隻呢！真心幾有feel。咁呀唔想煩逐樣點，所以叫左咦個二人餐，基本上想打邊爐要有既野都有。不過如果你想另外加野都可以既。未黎野食之前，當然要先調好個汁啦！湯底我地揀左火瞳花膠魚肚雞湯，因為自己好鍾意飲雞湯同食花膠。等左十分鐘到就滾啦！餐廳好細心咁幫我地不起隻雞，仲幫我地切埋，方便食！一定要講既係，個湯底真係超足料，足料到痴線嫁！你睇舊花膠大到！可能咁樣睇唔覺大，但一放埋塊牛到，當堂收左佢皮。如果冇數錯，好似有成4大塊嫁！仲要其實塊花膠實在太大塊太重，所以要對摺先夾到佢上黎，唔係會重到分開一半。而且佢唔係淨係得個大字嫁！仲好嫩口嫁！以前試過好幾次係街到
為左唔得個講字啦！我決定身體力行證明咦樣野，晏就一點去打個靚邊爐！
今次黎左咦間充滿住懷舊情懷既火鍋店 - 十下。
連個名都有feel過人，十下十下，一聽就知係打邊爐啦！
一入去就feel到間野落左唔少心機係怖置到。
因為上至天花吊燈，下至摺椅地板都係70,80年代既野。
雪櫃都係廿年前係呀爺屋企見到個種綠色雪櫃，
仲要連播緊既歌都係堆經典懷舊金曲。
姐係聽完副歌其中一句會好想駁落古巨基首勁歌金曲到個隻呢！真心幾有feel。
咁呀唔想煩逐樣點，所以叫左咦個二人餐，基本上想打邊爐要有既野都有。
不過如果你想另外加野都可以既。
未黎野食之前，當然要先調好個汁啦！
湯底我地揀左火瞳花膠魚肚雞湯，因為自己好鍾意飲雞湯同食花膠。
等左十分鐘到就滾啦！
餐廳好細心咁幫我地不起隻雞，仲幫我地切埋，方便食！
一定要講既係，個湯底真係超足料，足料到痴線嫁！你睇舊花膠大到！
可能咁樣睇唔覺大，但一放埋塊牛到，當堂收左佢皮。
如果冇數錯，好似有成4大塊嫁！
仲要其實塊花膠實在太大塊太重，所以要對摺先夾到佢上黎，唔係會重到分開一半。而且佢唔係淨係得個大字嫁！仲好嫩口嫁！
以前試過好幾次係街到食花膠，多數都又細又韌，有d仲要有陣膠味。
但咦塊唔同，一d膠味都冇。口感仲好好！
趁未加料落去，佢地幫我地每人不左碗比我試下個原味既湯。
都唔錯，清清地又幾香雞同味。
講下d配料啦！有一碟手切牛肉、三寶滑、蔬菜拼盤
仲有平時一定要點既響鈴！唔多講啦，大家自己睇menu啦。
比較想講同有驚喜既係佢唔係用豬紅而係用鴨血。
一上檯個下見到佢個樣已經對佢充滿期待！
然後一夾落去就發現，真係同我地想象中一樣好實正好有彈力嫁！
成日打邊爐食豬血都會散到成個鍋都係，但佢係可以好完整咁掉左落去，
烚完一大輪再用筷子夾返上黎都仲好完整嫁！
口感亦比豬紅爽同彈，又唔會一陣尿餲味，幾好食。
佢地見我地落得太慢，所以過左黎幫我地落三寶滑。
食落都ok既，彈牙，但唔算好重味，合格既。
烚埋塊牛肉食！
比起平時打邊爐食到既，佢既牛肉冇咁肥。
唔會好多肥膏位，肉既部份相對較多。
雖然冇咁香牛脂味，但就比肥牛更夾咦個幾甘醇既湯。
總括黎講今餐幾滿意，一來個環境氣氛好正。
對我地咦種鍾意聽舊歌既90後得講，簡直係享受。
野食既份量其實有d多，lunch黎講連我地都食唔晒。
仲要野食同服務都幾好，湯底又足料，所以價錢都ok。
晏就去又唔會好多人，幾岩靜靜地，同女神聽下經典情歌，chill下，十下。
张贴
