沃川自家料理

营业中

休息中

今日喺尖東行街比我搵到一間好隱世嘅日本料理餐廳😆沃川自家料理係南洋中心比較入嘅鋪位，睇落幾吸引，係一間日本居酒屋黎🇯🇵，就入左去試下。一點完菜侍應就攞咗碟前菜俾我哋😄入面有油豆腐，蒟蒻絲，甘筍絲，好清新開胃。咁日本料理又點少得刺身呢，我地嗌左精選時令刺身（上）😛樣樣刺身都好新鮮，特別推薦佢嘅油甘魚，食落口，油份好足，入口即溶，牡丹蝦亦都好正，好彈牙😋。之後仲叫左幾款幾特別嘅串燒，包括鴨心，雞股肉，雞腎同埋銀杏。銀杏味道回甘☺鴨心爽口彈牙雞股肉同雞腎都有好重嘅雞味，食得出係用左新鮮雞去整❤炸豆池魚炸得好鬆脆，豆池魚肉質亦好鮮嫩😚牛油炒雜菌香濃牛油味，將唔同菇炒埋一齊，非常惹味😍三文魚茶漬飯三文魚好好食😆清清淡淡咁，臨尾清下腸胃一流。