喜記避風塘炒辣蟹 (謝斐道)

营业中

休息中

屋企人鍾意食蟹，今次就一行8個人去灣仔呢間喜記避風塘炒辣蟹食，除左招牌炒蟹，仲有好多其他海鮮食！新鮮又夠大隻。1️⃣招牌避風塘辣蟹 （2隻）面頭好多炸蒜粒同埋辣椒，好夠鑊氣而且好惹味！蟹大大隻，肉質鮮甜，特別係蟹鉗位好厚肉！2️⃣椒鹽特大皮皮蝦3隻叫得特大，出到黎真係每一隻都有手臂甘大啊😳炒得好香，食落啖啖肉，好食！3️⃣椒鹽魷魚拼九肚魚平時成日都會掙扎下揀椒鹽魷魚定係椒鹽九肚魚食好，今次可以雙拼一次過滿足曬！炸粉唔會好厚食落好香口！4️⃣豉椒炒蜆 蜆肉冇沙係一大重點，唔會好鹹，食落好夠鑊氣！5️⃣潮式蠔仔肉碎粥蠔仔粥既蠔仔有好多粒，基本上啖啖都一定會有蠔仔，粥煮得夠綿，而且蠔既鮮味係融入曬係個粥底到～👍🏻呢個套餐分量足夠 樣樣野都大大碟😋😋食得好飽嘅一餐！