影片
更多
2025-05-01
0 浏览
簡聚呢間藏於元朗嘅寶藏餐廳真係俾我驚喜！位置雖唔算顯眼，但一入門就聞到陣陣香氣，中午時分已經坐滿街坊同家庭客，人氣十足～🥗沙律用新鮮生菜、番茄配油醋汁，清新解膩，作為前菜開胃一流～今次同屋企人試咗兩款套餐：香煎美國自然豬肉眼配蜜糖芥末籽汁（$118）豬肉眼煎得外層微焦，內裡粉嫩多汁，咬落充滿肉香！蜜糖芥末籽汁酸甜開胃，中和油膩感，配菜嘅時蔬同薯角都處理得唔錯，份量夠晒實惠。香煎大蝦黑松露露荀意大利麵（$98）大蝦煎到殼脆肉彈，咬開充滿鮮味！黑松露醬香氣濃郁，均勻掛住每條意粉，蘆荀爽脆多汁，成個配搭好有層次，作為意粉控真心滿足～☕餐飲我揀咗熱薑蜜，薑味濃郁帶微甜，飲落暖笠笠，岩晒依家乍暖還寒嘅天氣！怕冷嘅朋友必試呢個暖身之選～
簡聚
呢間藏於元朗嘅寶藏餐廳真係俾我驚喜！位置雖唔算顯眼，但一入門就聞到陣陣香氣，中午時分已經坐滿街坊同家庭客，人氣十足～
🥗沙律用新鮮生菜、番茄配油醋汁，清新解膩，作為前菜開胃一流～
今次同屋企人試咗兩款套餐：
香煎美國自然豬肉眼配蜜糖芥末籽汁（$118）
豬肉眼煎得外層微焦，內裡粉嫩多汁，咬落充滿肉香！蜜糖芥末籽汁酸甜開胃，中和油膩感，配菜嘅時蔬同薯角都處理得唔錯，份量夠晒實惠。
香煎大蝦黑松露露荀意大利麵（$98）
大蝦煎到殼脆肉彈，咬開充滿鮮味！黑松露醬香氣濃郁，均勻掛住每條意粉，蘆荀爽脆多汁，成個配搭好有層次，作為意粉控真心滿足～
☕餐飲我揀咗熱薑蜜，薑味濃郁帶微甜，飲落暖笠笠，岩晒依家乍暖還寒嘅天氣！怕冷嘅朋友必試呢個暖身之選～
张贴
