大宅

营业中

休息中

今晚和朋友在銅鑼灣問月酒店嘅《大宅》中菜廳晚宴，廳內裝潢優雅，尤其牆上放了一罌一罌的食材倍感古典風滿滿。叫了兩客晚餐套餐，共八道菜，每一道菜講求精緻美觀，前菜的「椒鹽溏心鮑魚角、脆銀魚乾、琥珀核桃」，各有鹹甜，個人來說每樣嘢都好味，鮑魚的煙韌，銀魚嘅脆口，加埋合桃嘅咬口，每個小食都有特色，前菜來說份量亦夠，食完便迎接下一道菜。「蟹黃銀針燴玉帶」，刺身級帶子，兩面輕輕煎一煎，再燴在蟹黃湯中，整個口感層次豐富，尤其帶子煙韌帶爽，所以好食嘢，一粒就夠，好過食十幾粒似等貨就唔好啦。「拔絲咕嚕肉」除咗有酸酸甜甜好開胃嘅咕嚕肉之外，還配有脆口嘅油條，加埋菠蘿及洋蔥等配料，是不錯的一道菜。「蝦子花膠濃雞湯.拌菜苗.手工拉麵」品嚐過幾道菜之後，如果個胃仲有空間，尾聲還有這個拉麵，面身幼細嫩滑，配上花膠濃湯，令麵更有味道。整個食餐體驗，除了舒適環境外更有質素不錯嘅食物，整體印象難忘。「蝦子花膠濃雞湯.拌菜苗.手工拉麵」品嚐過幾道菜之後，如果個胃仲有空間，尾聲還有這個拉麵，面身幼細嫩滑，配上花膠濃湯，令麵更有味道。