Odelice! (The ONE)

呢日同大大、小小去咗The One睇小王子展覽，之後同佢哋去咗呢間餐廳食brunch。我哋叫咗兩個brunch set，頭盤要咗炸黑松露蘑菇球，外層酥脆，內層有滑嫩細緻嘅黑松露醬，仲可以配沙律醬食，非常美味！主菜一個係阿根廷安格斯肉眼牛牛扒配薯條黑椒醬汁，牛扒外表微微焦香，內裏保持粉嫩，肉質鮮嫩多汁，配搭香脆可口嘅薯條，令人垂涎三尺。另一個主菜係海鮮蕃茄醬汁意粉，大蜆肥美鮮甜，加上份量十足嘅西班牙墨魚，非常彈牙。麵條Q彈，配合蕃茄醬，完美融合，令人食唔停口。飲品我哋要咗水果特飲，酸甜適中，而且帶有一絲絲氣泡感，清新解渴。甜品我哋叫咗馬卡龍，士多啤梨馬卡龍，外殼光滑漂亮，顏色鮮艷，外殼微甜，食落煙煙韌韌，為呢餐完美嘅作結。