旺萍川菜館

营业中

休息中

同屋企人行過長沙灣，見到有間旺萍川菜館，門面好光亮，入面座位幾多，空間寬敞。老公話好肚餓就叫了一個細的招牌酸菜魚、清湯羊腩煲、夫妻肺片。招牌菜式酸菜魚待應上菜的時候我們三個人見到酸菜魚份量有少少嚇親，不能輕視的份量，超級抵食，應該夠三至四人食，有辣度可選擇，酸辣味十足，能夠刺激味蕾，食慾大增。酸菜魚煮出來不油膩，生魚片嘅份量都很多，細份也相當足料，魚肉都尚算結實爽彈，但係偏薄身，酸菜的酸度剛剛好，能夠提升整道菜的風味，碟下還有寬粉及蘿蔔，吸晒湯汁好入味，勁飽肚。夫妻肺片夫妻肺片是一道經典的川菜開胃涼菜，夫妻肺片做得相當不錯，味道香濃，肉質嫩滑，配上麻辣的調味料，味道鮮美。辣度適中，不會太辣，能夠讓人開胃。清湯羊腩煲 今年都未食過羊腩煲就試一份吧，送生菜一碟，十分足料，羊腩都幾多，仲有枝竹、蘿蔔、馬碲等。味道唔係港式羊腩煲咁濃味，比較像清湯腩，不過唔係牛腩而係羊腩，湯頭鮮味，煲到後尾個胡椒味越來越勁，羊腩啖啖肉，仲有彈牙嘅羊皮，好正。感受到餐廳對客人用餐體驗特別貼心，呢點真係非常欣賞。地方乾淨，食物新鮮，服務態度一流，食得耐亦都唔會趕你走，座位坐得舒適，價錢合理，值得再去。