櫻田日本餐廳

一個偶然的機會知道櫻田有半自助午餐, 於是我就相約埋另一個朋友專登搭車去沙田食飯。可能係我地太早到的關係(準時十二點), 當時全個食店都未有客人, 就連自助餐的前菜, 壽司同刺身都未出, 只見師傅在準備中。我地唯有先點主菜, 當日的五款主菜定食:-1) 吉列豬排2) 燒秋刀魚3) 照燒雞排4) 香煎羊鞍5) 鐵板燒薄牛肉最後我地揀左羊鞍同薄牛肉。未上主菜之前我地就先出去睇下有咩食, 雖然食物品種唔多, 但真係勝在貴精不貴多......前菜: 冷麵, 凍豆腐, 鯖魚同沙津壽司: 加洲卷, 鰻魚卷, 北寄貝, 熟蝦同沙津三文魚刺身: 三文魚, 八爪魚, 立魚, 北寄貝甜品: 日式芝士蛋糕, 另外仲有一個唔知咩蛋糕生菓: 西瓜, 木瓜, 波蘿, 蜜瓜除左前菜之外, 全部都有試過, 樣樣都好好味, 刺生好新鮮好甜; 壽司飯的醋調較得好好, 恰到好處; 日式芝士蛋糕就更加係好到無得頂, 我地兩個人加埋食左半個; 當然主菜都相當不錯, 羊鞍唔會好"蘇", 牛肉又會好肥好"老", 加上白飯用上日本的珍珠米, 真係值得回味。整個食店的氣氛都好寧靜好舒服, 服務員又好好禮貌, 最岩就係三五知己出去靜靜的