莆田 (港威商場)

营业中

休息中

最近莆田推出咗新嘅餐牌，我同朋友今日夜晚就專程去食飯。蒜蓉蒸哆頭蟶蒜蓉切得非常細，令到菜式烹調嘅時候更容易煮得入味。蟶子入口爽口彈牙，非常鮮甜。香煎走地雞雞肉非常新鮮，雞皮煎得好香脆，雞嘅皮下脂肪非常少，令到入口嘅時候唔會覺得太過油膩。漁民紫菜燜飯一個紫菜飯非常之有特色，入口有香濃嘅紫菜香味，加上份量都唔少，價錢亦都唔貴。冬瓜薏米水薏米水非常足料，入口有香濃嘅薏米香味，加上冬瓜好清甜，所以味道非常好。整體嚟講，莆田最近推出咗唔少嘅新菜式，每一款都幾有特色。