影片
更多
2014-08-17
3089 浏览
今日上影樓揀完相，媽咪話想食潮州菜！打電話訂位又有位！一家七口（五大兩小）準時到攞位！坐最入個細廳中圓枱！地方光猛舒服，餐具乾淨！食潮州菜嘅餐廳好極端，一係大酒家，一係草根小館！自己覺得小店風味好啲但同媽咪食只想坐得舒服！叫咗：香辣咸海蜇--呢個唔記得影相，辣味唔強，細路都食到，海蜇爽口彈牙，唔錯淨鹵水鵝片--有豆腐墊底，豆腐係百福豆腐質地，好滑但唔夠挺身，夾唔起，唔似一般潮州豆腐！鵝片鹵得入味，鹵水唔咸但唔太重香料味，點醋食幾好杏汁豬肺湯--一開七，每人都分到一小碗，味道偏甜，似飲甜湯，杏仁味好濃，但遮蓋晒啲豬肺味！豬肺洗得乾淨，煲得淋身，但湯底太甜所以食唔出味道！一般菜片蝦崧--我先淨食蝦崧，肉碎炒埋蝦肉，炒得好濕，漿埋一團，菜片新鮮爽脆，但配蝦崧一齊食就無味，因為蝦崧唔夠味，一加水份高嘅生菜，兩者都溝淡晒！唔好味！乾煎糖醋麵--呢個簡直失望，上枱個樣都唔錯，但一夾起就唔對路，軟趴趴散晒，表面唔脆，似食普通麵撈糖醋！味道雖然唔係差，但唔係糖醋麵嘅外脆內軟無晒！羅漢齋上素--齋菜種類多，蠔油汁好味，汁都唔係玻璃獻，係略嫌細碟啲！鴛鴦水晶飽--呢個本來做飯後甜點，點知一上枱見只有一種蓮
食潮州菜嘅餐廳好極端，一係大酒家，一係草根小館！自己覺得小店風味好啲但同媽咪食只想坐得舒服！
叫咗：
香辣咸海蜇--呢個唔記得影相，辣味唔強，細路都食到，海蜇爽口彈牙，唔錯
淨鹵水鵝片--有豆腐墊底，豆腐係百福豆腐質地，好滑但唔夠挺身，夾唔起，唔似一般潮州豆腐！鵝片鹵得入味，鹵水唔咸但唔太重香料味，點醋食幾好
杏汁豬肺湯--一開七，每人都分到一小碗，味道偏甜，似飲甜湯，杏仁味好濃，但遮蓋晒啲豬肺味！豬肺洗得乾淨，煲得淋身，但湯底太甜所以食唔出味道！一般
菜片蝦崧--我先淨食蝦崧，肉碎炒埋蝦肉，炒得好濕，漿埋一團，菜片新鮮爽脆，但配蝦崧一齊食就無味，因為蝦崧唔夠味，一加水份高嘅生菜，兩者都溝淡晒！唔好味！
乾煎糖醋麵--呢個簡直失望，上枱個樣都唔錯，但一夾起就唔對路，軟趴趴散晒，表面唔脆，似食普通麵撈糖醋！味道雖然唔係差，但唔係糖醋麵嘅外脆內軟無晒！
羅漢齋上素--齋菜種類多，蠔油汁好味，汁都唔係玻璃獻，係略嫌細碟啲！
鴛鴦水晶飽--呢個本來做飯後甜點，點知一上枱見只有一種蓮蓉味，無咗奶黃味，而且碟底仲有一大灘水（係可以傾倒出來咁多）完全接受唔到！叫個女侍應問點解得一隻味，佢無去了解順口就答我：「應該買晒，所以得呢隻味！」，我話：「咁你哋無都要同我講一聲架⋯⋯」我都未講完（仲有灘水嘅問題），個女侍應已經閘住我：「咁而家你即係要唔要？」（好掘嘅語氣）我即刻著火：「我而家唔要」，佢即刻拎返去廚房，餐廳最後取消，如果我知得一隻味都照落單，當然無問題，選擇權在我手，唔係你餐廳決定我要唔要，但個女侍應嘅態度令我一肚氣！未計之前同一個女侍應問都無問就收走碟海蜇（雖然只剩低啲碎，但問題係無問過個客人，好無禮貌）
我埋單嘅時候，有向個經理表達個女侍應問題，唔係要攪佢，反而係唔想佢攪到其他食客，我九百幾蚊同屋企人食餐飯唔係為受氣，我特登比錢時講係唔想餐廳以為我想𢱑著數！係想表達番不滿！經理都即時好抱歉，好有禮同我們講唔好意思，我亦同佢講番其他侍應服務正常，（服務嗰一分係比其他侍應嘅）係特別那位女侍應令人失望！食物可能偶爾失手，但咁嘅級數酒家唔應該有呢種服務！
餐廳參加咗亞洲萬里通獎賞計劃，食$8有5 asiamiles，我用AE卡又有里數賺，經理都好有心機幫我攪（因為要填表）但我唔會因為有優惠而去某餐廳！最緊要食物好味道！
张贴
