影片
更多
2022-08-29
482 浏览
每當想食日式放題🇯🇵，我第一時間就會諗起「極尚大瀛喜」。觀塘店我仲食過起碼五六次，因為同屋企人成日去。呢晚放工過到嚟九點，時間啱啱好，可以食宵夜時段😜，每位$268。其實只要唔太細食嘅話，基本上我覺得都抵食，因為居酒屋閑閑哋都呢個價。我哋前後嗌咗兩轉嘢食，上菜速度合理，亦無漏單👍。食物賣相大致上都吸引，而且份量適中，唔會用澱粉質塞飽你。由於我哋鍾意食飯，所以主攻壽司🍣，而唔係刺身。首先嚟一份自製三文魚盛盒，包括鹽燒三文魚腩、三文魚腩以及京蔥煙三文魚。幾款各有特色，不分高下。另外，再加芝士鰻魚玉子燒，呢度嘅玉子菜式比較少，多啲就好。其他壽司款式包括火炙蒜香牛肉、蒜香牛油大蝦以及鹽燒左口魚邊。🦐大蝦新鮮好食，肉質彈牙。左口魚有啲失望，因為帶唔出魚油香。卷物方面，我哋嗌咗牛油果加洲卷、辣味三文魚卷同鵝肝壽司。🌶辣味三文魚嘅辛辣好惹味，醒神開胃。鵝肝好細嚿，非入口即化嗰種。迷你多士好的骰🍞，麵包本身都唔錯，富牛油香、烘至微微脆，兩款口味分別為牛油果煙三文魚同龍蝦沙律伴櫻花蝦，佢哋唔乾身，啱晒配多士。跟住就嚟到熱食部份，我認為全部都好食，兼且係新鮮熱辣辣整起🔥，絕對唔會因為係任食而變咗劣食。殿堂
每當想食日式放題🇯🇵，我第一時間就會諗起「極尚大瀛喜」。觀塘店我仲食過起碼五六次，因為同屋企人成日去。
呢晚放工過到嚟九點，時間啱啱好，可以食宵夜時段😜，每位$268。其實只要唔太細食嘅話，基本上我覺得都抵食，因為居酒屋閑閑哋都呢個價。
我哋前後嗌咗兩轉嘢食，上菜速度合理，亦無漏單👍。食物賣相大致上都吸引，而且份量適中，唔會用澱粉質塞飽你。
由於我哋鍾意食飯，所以主攻壽司🍣，而唔係刺身。首先嚟一份自製三文魚盛盒，包括鹽燒三文魚腩、三文魚腩以及京蔥煙三文魚。幾款各有特色，不分高下。另外，再加芝士鰻魚玉子燒，呢度嘅玉子菜式比較少，多啲就好。
蒜香牛油大蝦壽司
27 浏览
0 赞好
0 留言
卷物方面，我哋嗌咗牛油果加洲卷、辣味三文魚卷同鵝肝壽司。🌶辣味三文魚嘅辛辣好惹味，醒神開胃。鵝肝好細嚿，非入口即化嗰種。
迷你多士好的骰🍞，麵包本身都唔錯，富牛油香、烘至微微脆，兩款口味分別為牛油果煙三文魚同龍蝦沙律伴櫻花蝦，佢哋唔乾身，啱晒配多士。
殿堂宴客醉鮑魚
66 浏览
0 赞好
0 留言
鐵板蜜汁蒜香牛柳粒
49 浏览
0 赞好
0 留言
燒紐西蘭香草羊鞍
26 浏览
0 赞好
0 留言
壽喜燒牛肉鍋
71 浏览
1 赞好
0 留言
呢度天婦羅都有得食🍤，我每樣嗌咗件，包括虎蝦、皇帝蟹棒、南瓜同蕃薯仔。天婦羅即叫即炸，炸皮又鬆又薄，蝦同蟹棒都並非頹貨。
扭扭雪糕
31 浏览
0 赞好
0 留言
自家冷泡茶
71 浏览
0 赞好
0 留言
餐廳嘅自取食物區面積幾大，所提供嘅菜式都幾多元化，包括小食、前菜、熟食、湯同炸物等🍢。雖然味道無乜驚喜，不過有得好似酒店自助餐咁拎嘢食都開心嘅。
總括嚟講，極尚大瀛喜保持一貫水準😁，放題質素之中佢算好好，食物款式同味道均令人滿意。餐廳現時採用QR code落單，唔使再搣紙畫紙，方便好多。佢嘅餐牌定期會更新，就例如連近期大熱嘅酸菜魚都有得食！
张贴
