極尚大瀛喜日本料理

生日🎂當然要去食好味又有質素的食物啦！今晚老公就選了位於觀塘的極尚大瀛喜屋，是一間有名的日式放題餐廳。食物款式很多選擇，而且每樣都即叫即做，新鮮送上，好好食😋美食推介：💛刺身是放題重大亮點，包括新鮮的三文魚、吞拿魚、八爪魚、帶子、長腳蟹等，多種選擇。每片刺新鮮色，口感滑嫩。三文魚入口即化，搭配少許芥末和醬油，更能提升其鮮味。帶子的鮮甜讓喜愛海鮮的我們無法抗拒。💛壽司選擇豐富，包括經典的壽司卷、手握壽司及創意壽司。每一款壽司都使用當日新鮮的海鮮，米飯的酸度和口感恰到好處。特別推薦海膽手卷壽司，鮮甜豐富，讓人一口接一口。💛海鮮非常不容忽視，竟然有新鮮的鹽焗奄仔蟹，蒜蓉焗生蠔、磯燒包魚、清酒煮沙白蜆等。生蠔肉質鮮美，搭配濃濃蒜油，經烤焗後，味道更上一層。奄仔蟹的肉質鮮甜令人垂涎，是極佳選擇，我們還重覆選了幾單海鮮，個人就比較喜歡。💛串燒有雞軟骨，雞翼多種海鮮。烤出來的味道非常香氣，雞軟骨是必食之選。💛熱盤有鮑魚汁伴飯、乳鴿、芝麻雞翼、花膠翅等。每款都非常好食😋💛甜品不容忽視，精緻的甜點如泡芙、提拉米蘇和水果等，仁食焗榴槤，香香甜甜的，為餐後完美結尾畫上句號。服務人員專業且友善，始終保持微笑，對菜單上的每一項都能提供詳細介紹，隨時關注顧客的需求，讓人感到賓至如歸。…查看更多

今晚到觀塘的極尚大瀛喜日本料理，晚市放題任食，最近推出任食藍鯨吞拿魚和鹽焗膏蟹，高性價比的美食體驗。餐廳以現代和風為基調，木質裝潢搭配暖色燈光，桌距寬敞得宜。自助餐區動線分明，冷盤區與熟食區涇渭分明，食物選擇亦非常多。刺身「藍鰭吞拿魚刺身」無疑是今晚主角。桃紅色的魚肉紋理細緻，油脂如霜降般均勻分布。其他刺身同樣表現亮眼：厚切三文魚：魚脂香氣澎湃，厚切非常美味。松葉蟹腳：剝開雪白蟹肉絲絲分明，沾附著海洋的甘甜。赤貝與象拔蚌：前者脆嫩，後者彈牙爽口。熟食「鹽焗膏蟹」以粗鹽焗烤鎖住鮮味，揭開蟹蓋可見橙黃蟹膏飽滿如凝脂。鹽味突顯肉質本真的清甜，好味！其他熱食鵝肝多士：厚切鵝肝表面焦脆，內裡滑順，搭配酥脆多士，大推！川燒珍寶蠔：肥嫩蠔肉裹著微辣蒜香醬汁，爆漿時鮮汁與辛香交織，必吃。王牌乳鴿王：玻璃紙般的脆皮下，肉汁被封存得當，也是必吃！甜品區供應十餘款甜點，其中Haagen-Dazs和Dreyers雪糕更是必食！還有其他日式糕點也非常好味！放題有很多間，但是這間的放題食物非常有質素，而且獨特！是我最喜愛的日本放題餐廳！…查看更多

每隔一段時間又會想食吓放題，「極尚大瀛喜」嘅晚市放題真係食咗好多次，午市放題就真係未試過，今次就到觀塘分店試吓，好彩有book位，估唔到都爆場，以為午市放題嘅食物種類點都會少啲，殊不知一樣咁豐富，一貫坐得舒服，上菜執枱效率高，而且價錢$258/ 1位，食足三個鐘好抵食。⊙刺身坐低一定係點轉刺身先，刺身款式依然好多選擇，我點咗三文魚、油金魚、吞拿魚、北寄貝、帶子、八爪魚，赤貝、赤蝦、甜蝦，象拔蚌⋯⋯點完好快上枱。今次最鍾意係藍鰭吞拿魚，肉質柔軟夠新鮮，油金魚肥美，象拔蚌脆口勁鮮甜，淨係呢盤刺身已經超值，我點咗幾轉。⊙壽司⦿藍鰭吞拿魚壽司午市可以無限任食藍鰭吞拿魚壽司，柔軟鮮味，配蔥絲更清新，我點咗好多，回本之選。⦿ 炙燒焦糖鵝肝壽司炙燒鵝肝表面焦糖化，入口微甜帶脆，口感綿滑有即溶嘅感覺，飯糰沾上鵝肝油，喺口中混和層次豐富，必食推介。⦿ 鮟鱇魚肝池魚王壽司池魚王勁鮮味，配鮟鱇魚肝味道濃郁。⦿海膽拖羅蓉魚腩壽司海膽拖羅蓉係絕配，劍魚腩肥美。⦿海膽手卷手卷係迷你，一口一啖，最緊要飯係細細嚿，唔會食到飽晒，海膽鮮甜，encore之選。⊙期間限定⦿油鹽焗膏蟹係得觀塘分店嘅期間限定，當造嘅奄仔蟹爆晒膏，軟滑甘香，蟹肉都飽滿，鹽焗更能提升鮮味，奄仔蟹出面食價錢都唔平，食幾隻就已輕鬆回本。⦿鐵板星級鵝肝多士鵝肝夠大件，鐵板煎香外脆內軟，入口即溶，鵝油香氣充滿口腔裡，配脆脆多士，無得輸。⊙燒物⦿川燒珍寶鮮蠔燒熱辣辣燒得好有水準，蠔肉新鮮大隻飽滿，鋪滿蒜蓉即叫即燒，啖啖充滿蒜香，juicy勁鮮味⊙自助區有多款前菜、翡翠螺、熟凍蝦、青口、麻辣小龍蝦、蟲草花花膠雞湯、蝦餃、燒賣、沙律、生果⋯⋯⦿飲品區一排雪櫃放滿飲品，款式多過便利店，汽水、茶類、自家製冷泡茶，亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、大福、乳酪⋯⋯名牌雪糕雪條款式都唔少，自助軟雪糕機俾你自己唧軟雪糕。#極尚大瀛喜日本料理地址：觀塘觀塘道414號1亞太中心5樓…查看更多

中午時間去到觀塘食放題，12:00之前未夠鐘已經排緊隊，好彩有book定位😻入到去座位間隔舒適，枱與枱之間都有一定嘅距離今日帶媽咪黎，都覺得坐得舒適☺️-今期重點推介，藍鯨吞拿魚刺身油脂均勻入口鮮甜，其他刺身都好出色例如甜蝦大大隻剝咗殼，新鮮好味。😋仲有藍鯨吞拿魚鐵火卷👍-熟食方面今次有新嘅鹽焗膏蟹，膏蟹嚟到嘅時候好多膏啊，我就叫咗一件試吓先，鹽焗蟹係會食到蟹嘅鮮味，一客一件如果鍾意食蟹嘅就叫多幾件嚟食啦。-鵝肝多士每次都是必要的，鵝肝大大件油脂非常豐富，好香濃，好好味。仲有鵝肝壽司！-川燒珍寶鮮蠔燒，有少少香辣嘅感覺！隻蠔好新鮮！-王牌乳鴿王，每次嚟親都會食！因為真係外皮炸到脆卜卜，裏面啲肉質好嫩！-燒榴槤，平時屋企多數食開普通一個榴連，呢度嘅榴槤係燒完仲更加香！更加濃味😋😋-飲品區有多款嘅果汁汽水啤酒任飲，同朋友一路傾偈一路飲嘢一路食飯，非常滿足。-甜品區都有多款甜品選擇，又有好多款雪糕雪條，簡直食到飽為止啊。…查看更多

基本上格局都好分明，冷盤熟食區一目了然。個人會推薦麻辣雞腎同泡菜。因為呢兩樣酸酸辣辣開胃，等之後可以試到其他更多唔同款式嘅美食。至於刺身類，都保持到一貫水準，鮮味足夠。重要嘅係三文魚一定係厚切！厚切三文魚帶出嘅嗰種魚油香，喺口腔真係感覺到大滿足。如果食到生蝦嘅可以點幾隻，因為黑嘅酸甜醬可以中和下三文魚嘅油膩感。鍾意食海膽嘅，絕對可以叫個海膽手卷。白飯量唔多，但海膽多！一口咬落去，鮮味十足。我都忍唔住叫咗三卷。而熟食方面，必推介金鑽燒蠔，因為嚟嘅蠔都隻隻好飽滿，食落去蠔汁足夠，蒜香十足。吉列蠔其實都好正，但我私心鍾意金蒜燒蠔更多。而鵝肝梗係必試啦，雖然好邪惡高脂，但呢啲咁香口誘人嘅美食，又點可以唔試呢？食落去滿口鵝油香，至少食兩件先夠！當然想清少少可以試吓燒雞軟骨，加少少檸檬汁清新去油膩。而燒比目魚係我食放題必叫嘅，因為真係好滑好香。私心推介一定要叫埋燒榴槤，因為平時都唔會喺屋企特別整，呢度啲榴槤軟糯十足，我敢講我至少食咗三件。最後當然唔少得嚟返杯Häagen-Dazs收尾啦！日本版嘅黑朱古力真係幾好食！個人推薦度爆燈！…查看更多

一段時間冇食放題今次嚟到又有驚喜午市3小時任食．時間充裕我哋叫咗好多款刺身放滿一盤大大嘅刺身船．擺盤精緻估唔到有泰式生蝦新鮮爽彈．辣辣地好正蟹粥超鮮甜．仲加入軟彈鮑魚乳鴿．煮蜆．榴槤．牛舌係我最愛瘋狂追加幾轉🔻仲多咗好多款菜式🔻✨任食藍鰭吞拿魚✨甘鯛䲞鱗燒伴黑松露忌廉汁✨金銀蒜粉絲蒸蟶子王✨北海道白粟米牛油燒✨吉品鮑汁燴花膠✨魚子醬藍鰭拖羅蓉手捲樣樣都好有水準除咗Haagen Dazs 雪糕．仲有多款甜品同雪條今餐抵食又豐富．性價比極高…查看更多

觀塘依間中午可以食足三小時，長者仲有88折，超抵食仲可以慢慢嘆！ 入到去食物種類多到嚇親！招牌刺身夠吸引，厚切夠誠意，重點係超新鮮，近期仲新加入藍鰭吞拿，油脂均勻，仲有藍鰭吞拿周邊菜式，鐘意食刺身嘅朋友實要狂掃！今期主打嘅甘雕立鱗燒都好出色，鳞超香脆，肉質又嫩又多汁，食完仲想再食多件。依度唔淨得日式嘢食，仲有中式點心，可自家製黑松露蝦饺，咬開滿滿蝦肉彈牙，自由加黑松露，香氣夠晒突出；蒸聖子王每隻都超大隻，鮮甜到冇得頂，乳鸽亦烤得皮脆肉嫩，汁鎖得好。呢餐真係食得大滿足！…查看更多

呢期鍾意食放題， 約朋友最好就係食放題，大家口味唔同，食放題啱曬各人口味， 中西日韓美食應有盡有。今次揀咗觀塘極尚大瀛喜，之前食過已經好鍾意， 食物有質素地點又方便， 呢期仲加咗好多新嘢添。除咗外面自助區有飲品、 生果、前菜、 冷盤熱食外，QR code落單仲有多款刺身， 壽司、 串燒、燒物、天婦羅、一品料理、 手捲等等。 仲加咗新菜單， 焦糖鵝肝壽司、法式紅酒藍莓鵝肝 、 鐵板升級鵝肝多士， 鵝肝質感柔滑入口即化， 各款唔同嘅配搭各有特色， 追求奢華口感必選。金銀蒜粉絲蒸蟶子王：呢款新品不能錯過， 金銀蒜調味恰到好處， 粉絲吸收咗醬汁好入味， 蟶子爽滑彈牙啖啖肉，朋友超愛食咗10隻。北海道白粟米牛油燒：白粟米口感清甜爽脆， 配搭香濃嘅牛油及調味白粟米更味道提升不少。…查看更多

想食性價比高嘅放題，極尚大瀛喜係唔錯嘅選擇，食物種類多而且品質一啲都唔馬虎，全線大瀛喜仲有得任食藍鰭吞拿魚🐟，刺身新鮮厚切，熱食同甜品種類都好多，一班朋友去一定有啱食嘅嘢！-——————————————💕◖晚市放題◗ $278晚市7:30入座都係$300唔使，如果午市時段嚟更加抵！整體食物質素有返咁上下，而且冇乜漏單嘅情況出現，上菜速度都好快，抵讚！👍🏻✨/刺身壽司🐟刺身種類幾多，厚切鮮甜，基本上都冇伏！大推佢嘅三文魚、油甘魚、藍鰭吞拿魚、帶子同甜蝦，超鮮甜！三文魚、油甘魚、藍鰭吞拿魚油脂豐富，食落甘甜，黏糯嘅口感好正！除咗刺身，仲有多款壽司同手卷，推薦芝士鰻魚玉子燒、海膽手卷、紅酒藍莓鵝肝🍣！✨/一品料理&燒物🧆定期會推出期間限定嘅熟食，今期係油鹽焗膏蟹，爆膏超鮮，係回本之選！另外仲有多款居酒屋料理，必食嘅有川燒珍寶鮮鮮蠔燒🦪、鐵板鵝肝多士、吉品鮑汁鮑魚一口花菇、王牌燒乳鴿、百合翡翠炒螺片、金湯燴花膠、紅燒蟹腳花膠翅！金枕頭榴槤燒都encore咗好多次👍，外皮燒得燶燶哋幾有咬口，燒過之後更加甜！✨/甜品🍨多數甜品都係自助區自取，除咗自家製嘅奶凍、布甸之外，仲有任拎嘅雪糕櫃，Häagen-Dazs雪糕杯都係任拎😍！✨/飲品🧃有咖啡機同多款自取包裝飲品，仲有樽仔奶茶、珍珠奶茶、清酒同自家製冷泡茶可以選擇～🌟Encore指數：9/10…查看更多

閒日晚上同朋友來到觀塘亞太1中心5樓極上大瀛喜食放題。好耐冇食放題LU。 一開始帶位服務都唔題，不過睇菜單覺得選擇唔算好多。都係有個自助區有D前菜小食，幾款熟食， 飲品櫃咁。不過飲品款式都還可以。不過哩間餐廳做得唔錯，上菜速度都算快， 而且難得既係冇漏單，冇多單..哈哈…次次食親放題都會， 但今次竟然冇。哈哈…今次比較推薦 : 和牛肩胛肉壽司, 鐵板鵝肝多士, 乳鴒哩幾款都幾好食。今次D刺身都唔錯，幾新鮮。 虎蝦正。整體都唔錯，不過選擇款式真係少左D。 最終埋單人均 $350/位。…查看更多

## 極上大瀛喜（觀塘）：一場與期望略有落差的晚餐踏入位於觀塘的「極上大瀛喜」，首先感受到的是一股濃厚的懷舊氛圍。店內的裝潢彷彿定格在某個過去的年代，燈光略顯昏黃，桌椅與地毯都留下了明顯的歲月痕跡。對於追求時尚用餐環境的顧客而言，這裡的陳設或許會讓人感到有些落差，少了幾分日式料理店應有的精緻與清新感。我們在週末傍晚前往，店內人聲鼎沸，氣氛頗為熱鬧。服務人員的態度尚可，雖然略顯忙碌，但基本需求都能滿足。然而，可能是因為客流量大，部分餐桌的清潔度可以再加強一些。餐點方面，我們點了餐廳推薦的刺身拼盤和數款壽司。刺身的新鮮度算是中規中矩，鮭魚油脂豐腴，口感尚可，但甜蝦的鮮甜度似乎未能達到「極上」的預期水准。壽司米飯的醋味調和得還不錯，但米飯的緊實度略有參差，有些過於鬆散。熟食部分，我們嘗試了燒物和天婦羅。燒烤牛舌的調味不錯，但火候掌握得稍嫌不均，部分區域略顯乾韌。天婦羅的炸衣厚度適中，可惜油溫控制似乎不夠穩定，導致口感不夠輕盈酥脆，帶有一絲油膩感。整體而言，「極上大瀛喜」提供的餐點種類豐富，能夠滿足多樣化的選擇，但食物的整體表現只能說是平平無奇，缺乏令人印象深刻的美味亮點。考慮到其價位定位，這樣的品質表現似乎未能完全符合「物超所值」的期待。這次的用餐體驗，就像是一場與期望略有落差的邂逅。餐廳或許曾經風光，但如今在裝修與食物的細節上，確實流露出一絲疲態。如果您對用餐環境要求不高，且單純想與朋友聚餐，這裡仍是一個可以考慮的選擇。但若您期待的是一次極致的日料饗宴，或許還有其他更佳的選擇。…查看更多

今日嚟到觀塘食極尚大瀛喜日本料理放題，5:30入坐食2小時埋單每位3百左右相當抵食，食物款式多亦相當高質！自助區有多種涼拌前菜水果，凍蝦/青口/螺，多款熟食點心，啤油汽水咖啡任飲。刺身試左甜蝦、大赤蝦、泰式虎蝦、赤貝、帶子、三文魚、吞拿魚、螺肉，全部都好鮮甜，重有蟹腳任叫，食多幾隻都翻本。熟食款式都超級多，試咗鵝肝多士、法式紅酒藍莓鵝肝、蒜蓉川燒蠔、燒羊架、比目魚、牛舌、天婦羅、XO醬炒螺片、蟹皇翅、蟹黃鮑魚粥、鮑魚一口花菇飯等等，個人重點推介金銀蒜粉絲蒸蟶子王和甘雕立鱗燒伴黑松露忌廉汁，encore左幾次。甜品除了多款精美甜點外，還有haagen dazs任食！喜歡熱食既可以試燕窩椰汁燉木瓜和金枕頭榴槤燒。總括而言，食物款色多，質素高，擺盤有誠意，上菜速度快兼冇漏單，推薦！…查看更多

最近朋友生日，我又同佢去極尚大瀛喜日本料理刷番勁，觀塘店呢間見仲推出左全新期間限定系列喇，我身為會員當然要幫襯啦，仲今次點多少少新品類品嚐！當中新品藍鰭吞拿不但魚肉質鮮美，配合壽司及刺身不錯👍有款【魚籽醬藍鰭TORO蓉手卷】我最鍾意好鮮甜另外還有食到甘鯛䲞鱗燒伴黑松露忌廉汁金銀蒜粉絲蒸蟶子王北海道白粟米牛油燒吉品鮑汁燴花膠最後再食埋多款甜品午市食優惠多啲，屬高質有水準的放題極豐富🫶最近終於儲到分換野好開心呢！…查看更多

每年老公生日佢都會話想食放題😝於是我地今年都係去食放題慶祝🥳💓去食放題最開心既地方就係前菜、刺身、壽司、小菜，都有勁多勁多多選擇😍見佢哋新出咗菜式，我哋叫左金銀蒜粉絲蒸蟶子王，蟶子都有成隻手咁大，上面既金銀蒜真係好夾，鮮得黎好惹味，蟶子又夠爽滑，超好食～忍唔住encore左兩次💓北海道白粟米牛油燒食落果然特別爽脆香甜，夾埋牛油香，真係好好味🫶🏻魚子醬藍鰭拖羅蓉手捲手捲新鮮即叫即做，拖羅鮮甜，配上魚子醬更鮮～正我哋首先叫咗刺身，每款刺身我地都叫左少少，上菜賣相好正勁震撼😍三文魚肥美厚切，赤貝好爽口彈牙😋鮑魚都有得食，原隻連殼，質素非常好😋壽司方面，種類選擇好多，其中醬燒三文魚腩加州卷好正，賣相精緻質素亦都好高，刺身壽司夠fresh又鮮甜，真係encore左幾round😍外面仲有自助吧有生果、冷盤、甜品、熱食、點心、飲品、啤酒同清酒提供，真係超齊全😍天婦羅都係其中必點😍香酥好味👍🏻一口牛同芝麻雞翼都係必點，每次黎食呢幾款都係依然咁有水準🥰甜品就真係唔少得 Haagen-Dazs雪糕！😍今期既tiramisu同士多啤梨macaroon味都勁正～…查看更多

朋友生日最好選擇就係去食放題，可以按照個人喜好選擇喜歡食嘅食物，我們早兩日已經打電話去位於觀塘極尚大瀛喜訂位，這裏環境寬敞食物選擇多。入座後我們先到自助區取食物，自助區有前菜、老火湯、糖水、甜品、熱盤、點心及大量不同種類飲品等。刺身我們點了三文魚、帶子、泰式生蝦等…. 樣樣都好新鮮好肥美，特別最鐘意食泰式生蝦，配埋泰式醬。味道一流！燒榴連任點任食，燒得好香好甜，好食到食左幾轉。川燒珍寶鮮蠔燒-粒粒帳卜卜蒜蓉味十足，好惹味！乳鴿外皮香脆可口，咬落多汁。金銀蒜蓉粉絲蒸蟶子鮮甜十足，粉絲吸入醬汁好入味。蟹黃鮮鮑魚粥，粥底軟綿綿，充滿蟹嘅鮮甜味道，每一啖都會食到鮑魚，鮮甜爽口。最後食埋海燕皇椰汁燉木瓜做甜品，養顏又補身，正！…查看更多