影片
更多
2023-05-22
147 浏览
辛苦返左一個月工~終於出糧喇！就決定帶女朋友食下好西慰勞下自己~上網見到依間位於尖沙咀The One既法國餐廳，咁近我地返工地點就決定試下佢啦！餐廳位於The One商場4樓, 搭lift一出就見到佢，位置上非常方便！食完仲可以行下街Tim~由於我地早食既關係，可以就咁Walk In入去~但過左7點就已經開始好Full，所以建議大家都係Book定位好D~我地今次坐窗邊位，隔離係一個落地玻璃可以見到出面既景色～環境非常舒適餐牌選擇有好多～套餐更加非常實惠呢！如果想散叫都有好多選擇～岩晒唔同類型既客人飲品都有好多選擇架，酒精／非酒精既飲品都好多款式。舒緩花草茶法國特色既花草茶，女朋友就點選左Soothing依款~佢有材料有菩提樹，接骨木莓，罌粟花，薄荷，士多啤梨同蘋果乾。所以味道上係非常之豐富！仲有蜜糖可以加落上，令到整杯草再增添順滑口感及蜜糖味道，飲完個人真係十分舒緩呢！！Pomegranate Mojito我就叫左依杯石榴Mojito，佢係由法國蘋果氣泡酒,白Rum, 石榴糖漿,薄荷葉同青檸而製成飲落酸酸甜甜，非常合適法國菜法國香草蝸牛前菜我地點選左法國香草蝸牛，因為平時好少機會食到所
上網見到依間位於尖沙咀The One既法國餐廳，咁近我地返工地點就決定試下佢啦！
餐廳位於The One商場4樓, 搭lift一出就見到佢，位置上非常方便！食完仲可以行下街Tim~
由於我地早食既關係，可以就咁Walk In入去~但過左7點就已經開始好Full，所以建議大家都係Book定位好D~
我地今次坐窗邊位，隔離係一個落地玻璃可以見到出面既景色～環境非常舒適
餐牌選擇有好多～套餐更加非常實惠呢！如果想散叫都有好多選擇～岩晒唔同類型既客人
飲品都有好多選擇架，酒精／非酒精既飲品都好多款式。
舒緩花草茶
法國特色既花草茶，女朋友就點選左Soothing依款~佢有材料有菩提樹，接骨木莓，罌粟花，薄荷，士多啤梨同蘋果乾。所以味道上係非常之豐富！
仲有蜜糖可以加落上，令到整杯草再增添順滑口感及蜜糖味道，飲完個人真係十分舒緩呢！！
Pomegranate Mojito
我就叫左依杯石榴Mojito，佢係由法國蘋果氣泡酒,白Rum, 石榴糖漿,薄荷葉同青檸而製成飲落酸酸甜甜，非常合適法國菜
法國香草蝸牛
前菜我地點選左法國香草蝸牛，因為平時好少機會食到所以就想試下。本身都有少少怕，但食落超好味！口感有少少彈牙，亦食得出佢既新鮮。
醬汁既配搭非常出色～好適合作為一個開胃菜呢！
另外仲有Ｄ麵包，有硬有軟，非常之特別
法國油封鴨腿
主菜之一既法國油封鴨腿令我地非常驚喜，肉質非常嫩滑多汁，油香味豐富，但又唔會覺得油膩
配合砵酒醬汁令到味道上更加惹味
配料既皺葉椰菜同薯糰丸子都好好味，吸收晒鴨腿既精華
馬賽龍蝦海鮮鍋
另一道主菜就係馬賽龍蝦海鮮鍋，上盤時真係令我地嘩左一聲呀！原因係佢勁豐富有好多海鮮，有半隻龍蝦，黑青口，大蜆，盲糟魚同魷魚。
賣相已經相當吸引，食落更加無得彈，每款海鮮都非常新鮮，肉質爽滑彈牙多汁，而醬汁更加係令整個海鮮鍋既味道層次更上一層樓，令人停唔到口呢！！
火焰橙酒可麗餅
去到最後就叫左個火焰橙酒可麗餅作為甜品。上盤時侍應會倒Ｄ火落去，然後個甜品就係度燒！好似欣賞緊一件藝術品咁呢！橙酒既味道非常強烈，味道一絕！為整餐飯畫上一個完美句號
张贴
