影片
更多
2021-08-12
243 浏览
平時同朋友聚會都會黎泰斗，貪佢喺尖沙咀地點方便，加上餐廳環境唔錯幾有氣氛。不過自從限聚令後都無同一班朋友聚過了，是晚只有二人聚一聚，哈哈。七點幾黎到，等左一陣就可以入座了，店員好快送上餐牌同斟水，可能係水壺太滿，一斟就成枱係，哈哈，要扣分～落完單飲品好快到，天時暑熱飲番杯凍飲好緊要，朋友點左泰式凍奶茶，個茶底好香呀。自己點左椰汁冰，勁香嘅椰味，好飲。第一樣係燒牛肉沙律，幾大碟喎。有牛肉，芹菜，生洋蔥，紅蘿蔔，生蔥等。牛肉香口，醬汁酸酸辣辣十分開胃，作為頭盤啱啱好。第二樣係呢個新派美味老虎蝦，朋友話覺得個名好型（？）所以試下喎。黎到枱店員會燃點一碗酒再淋上去，視覺效果十足，非常適合打卡，哈哈，真係著晒火㗎。燒完～個咖哩汁多左酒香好正呀，即刻想叫個薄餅撈左佢！蝦大大隻爽口彈牙，撈埋啲汁真係超正！！第三樣鐵板蠔仔蛋，聽到個盤滋滋饗就知有幾熱，好香呀～點解鐵板燒啲蛋都可以咁嫩滑？仲有蛋汁㗎喎，入面勁多蠔仔，雖然細細仔但都好肥美，下層氈咗層芽菜，吸左啲蠔汁同蛋汁都幾香口。最後就係醉貓炒河粉，有豬，牛，雞或海鮮配撘，我地揀左豬肉口味。一般香港嘅泰國菜舖都較少呢樣點，基本上佢就係泰式炒河粉，再隨意加
七點幾黎到，等左一陣就可以入座了，店員好快送上餐牌同斟水，可能係水壺太滿，一斟就成枱係，哈哈，要扣分～
落完單飲品好快到，天時暑熱飲番杯凍飲好緊要，朋友點左泰式凍奶茶，個茶底好香呀。自己點左椰汁冰，勁香嘅椰味，好飲。
第一樣係燒牛肉沙律，幾大碟喎。
有牛肉，芹菜，生洋蔥，紅蘿蔔，生蔥等。
牛肉香口，醬汁酸酸辣辣十分開胃，作為頭盤啱啱好。
第二樣係呢個新派美味老虎蝦，朋友話覺得個名好型（？）所以試下喎。
黎到枱店員會燃點一碗酒再淋上去，視覺效果十足，非常適合打卡，哈哈，真係著晒火㗎。
燒完～個咖哩汁多左酒香好正呀，即刻想叫個薄餅撈左佢！蝦大大隻爽口彈牙，撈埋啲汁真係超正！！
第三樣鐵板蠔仔蛋，聽到個盤滋滋饗就知有幾熱，好香呀～
點解鐵板燒啲蛋都可以咁嫩滑？仲有蛋汁㗎喎，入面勁多蠔仔，雖然細細仔但都好肥美，下層氈咗層芽菜，吸左啲蠔汁同蛋汁都幾香口。
最後就係醉貓炒河粉，有豬，牛，雞或海鮮配撘，我地揀左豬肉口味。
一般香港嘅泰國菜舖都較少呢樣點，基本上佢就係泰式炒河粉，再隨意加減九層塔，辣椒等，但泰斗呢度有驚喜喎，居然真係有落酒去炒，食落有陣酒香，再加上九層塔嘅香味同辣辣地，雖然好飽但都好快食晒，好味呀。咁多年黎食物都keep到水準，唔怪得平日晚都爆場啦。
张贴
