正九清湯腩 (餘慶大廈)

营业中

休息中

今日去左佐敦買野，經過見到間清湯腩叫正九，馬路巴士站旁，都好多人食，入去坐低食個quick dinner，味道還可，正正常常。清湯牛腩撈粗，加$8 可升級崩沙腩/坑腩/爽腩，叫左個崩沙腩，食落好濃牛既油香味，份量都多，粗麵質地略嫌硬，不夠爽口。另外仲叫左個清湯牛三寶河，三寶分別係牛腩、牛筋同牛肚，河粉超多滿滿的，牛腩夠淋，比起崩沙腩無咁香，但同時又無咁油，2 種唔同口感，牛筋好食，彈牙。跟餐加$8 叫左杯凍檸茶，都濃錫蘭茶既味道，唔錯。