影片
更多
2025-05-18
0 浏览
生日飯局！貴而份量少朋友生日，想搵間似樣嘅日式餐廳慶祝，見呢間網上有唔少人打卡，裝修有氣氛，價錢中上，勁多食評讚好。諗住質素有保證，唔係完全唔好食，不過份量細，同真係好貴，貴得嚟完全唔值！ 海膽炒飯 – 海膽匿埋咗？似豉油炒飯多過海膽炒飯。 海膽份量少到要用放大鏡搵，而且完全冇海膽應有嘅濃郁感。蓬鬆玉子 – 空氣感爆棚，餡料呢？脹卜卜，睇落幾吸引。 一啖咬落去…得啖空氣！完全冇餡料，連基本高湯甜味都欠奉，純粹係煎蛋口感，有少少流心， 但值唔值過百蚊一碟呢？？真係見仁見智啦。 芝士吉列豚肉 $238 – 好食但以呢個環境係天價！賣相炸得金黃，芝士拉絲效果OK。 豚肉嫩滑，芝士濃郁，係全晚既合格菜式，但$238得幾件，好味但唔值呢個價！叫咗幾個沙律，完全係普通沙律菜，海葡萄得幾條，百幾蚊一碟份量勁少，唔知自己食咗乜蜜桃乳酸梳打 / 巨蜂乳酸梳打（買一送一）– 糖水當特飲？甜到漏，完全冇果香，似藥水溝糖水，$68一杯仲要買一送一都嫌貴！ 便利店支裝飲品好飲過佢！串燒拼盤 唔記得幾錢， – 平庸到冇記憶點。雞肉、豚肉串燒都係普通貨色，有炭香，但無乜亦冇特別調味，同街邊$20串嘅質素差
朋友生日，想搵間似樣嘅日式餐廳慶祝，見呢間網上有唔少人打卡，裝修有氣氛，價錢中上，勁多食評讚好。諗住質素有保證，唔係完全唔好食，不過份量細，同真係好貴，貴得嚟完全唔值！
海膽炒飯 – 海膽匿埋咗？
似豉油炒飯多過海膽炒飯。 海膽份量少到要用放大鏡搵，而且完全冇海膽應有嘅濃郁感。
蓬鬆玉子 – 空氣感爆棚，餡料呢？
脹卜卜，睇落幾吸引。 一啖咬落去…得啖空氣！完全冇餡料，連基本高湯甜味都欠奉，純粹係煎蛋口感，有少少流心， 但值唔值過百蚊一碟呢？？真係見仁見智啦。
芝士吉列豚肉 $238 – 好食但以呢個環境係天價！
賣相炸得金黃，芝士拉絲效果OK。 豚肉嫩滑，芝士濃郁，係全晚既合格菜式，但$238得幾件，好味但唔值呢個價！
叫咗幾個沙律，完全係普通沙律菜，海葡萄得幾條，百幾蚊一碟份量勁少，唔知自己食咗乜
蜜桃乳酸梳打 / 巨蜂乳酸梳打（買一送一）– 糖水當特飲？甜到漏，完全冇果香，似藥水溝糖水，$68一杯仲要買一送一都嫌貴！ 便利店支裝飲品好飲過佢！
串燒拼盤 唔記得幾錢， – 平庸到冇記憶點。雞肉、豚肉串燒都係普通貨色，有炭香，但無乜亦冇特別調味，同街邊$20串嘅質素差唔多。 食完即刻忘記咗食過咩！
🏠 環境 & 服務
座位窄到無朋友，坐到就住就住，枱面細到放唔晒啲餸。 可能想保留居酒屋風味掛？
服務侍應態度OK。問佢有冇信用卡優惠，佢話唔知喎。
性價比低– 超多正評係？？高價唔值
人均$500+，海膽炒飯完全係敷衍之作，唯一合格嘅吉列豚肉又貴到離地。如果係為打卡， ok 既；如果為食好嘢，大把同價位更好選擇！
张贴
