咩記打邊爐

食物質素好「一般」，CP值低。雖然羊無「騷」味，但佢係直頭無味！食落去口感唔知係咪羊肉嚟，不過睇肉紋應該係羊嚟嘅。菜係靚但超貴，$30一盆仔生菜牛丸正，價錢見人見智。湯底都係好一般，普通雞湯嘅味道。另計醬料每位收費$18，但都係基本嘅辣椒、豉油、麻醬。最後求其點都4xx+未計嘢飲。好嘅地方係有壺茶飲吓。仲有，間舖要行一條長樓梯上二樓，如果老人家、坐輪椅同帶bb車嚟都唔知點算！喝醉酒會轆落去地下都唔奇，同旺角附近既打邊爐相比，根本輸晒，唔會再嚟！