沙縣特色小吃

营业中

休息中

今日放工，我去咗一間好抵食嘅小店，價錢真係超抵，唔洗去北上，閒日8點已經好滿座，因為勁抵食。招牌蒸餃真係蒸籠上嚟嘅，只係$38。餃子好大隻，好飽實，豬肉多汁少肥，湯啱啱好，好好味！香烤雞腿令我驚喜，烤得香口，肉質嫩滑多汁，價錢亦幾合理$28！花旗參竹絲雞盅都好特別，花旗參提味，竹絲雞更加豐富風味，湯汁夠味，令人回味無窮。鍾意酸辣嘅話，$60豬頸肉湯麵係好選擇。酸辣金湯味道鮮美，豬頸肉鬆軟量多，麵條有彈性，食落好過癮。最後花生醬拌雲吞都唔錯，雲吞拌埋花生醬，口感獨特，花生醬香濃，雲吞鮮嫩，夾埋一齊好味。想食抵又好味嘅食物，呢間小店絕對值得一試！