羲和雅苑

营业中

休息中

早幾日同屋企人去東涌買晒嘢準備去旅行出發前都想食定餐中菜於是搵左呢間羲和雅苑門口唔算大，原來入面別有洞天佈置係深藍配深色木材嘅典雅feel幾啱舒舒服服坐低傾計食飯 ..☑️張氏獅子頭件頭唔算大但係勝在夠精緻食落醬汁都夠誠意 唔係普通蔗糖紅燒汁仲要送左迷你一碗飯非常可愛咁就唔會浪費啲汁☑️青梅小排骨味道正常發揮嘅糖醋排骨但係夾落去真係會拔絲架～ ☑️羲和小肉餅四件細細的肉餅賣相精緻 上面嗰支係醋唧埋落去食起上嚟有少少似捲餅形狀小籠包食到有薑味 幾特別☑️金沙海膽蟹肉滑豆腐上菜嘅時候見到佢滾住噗嚕噗嚕咁樣已經食慾大增 賣相好好味道適中 唔會得個咸字 送飯一流☑️籠仔櫻花蝦海鮮蒸飯一開蓋撲面而來嘅海鮮香味八爪魚腳份量無花無假蒸飯乾濕度適中 唔錯👍🏻整體嚟講環境坐得好舒服 見到仲有兩間房 一枱都可以包箱約屋企人食飯呢度都幾啱又可以滿足屋企人嘅中國胃同埋原來佢係尖沙咀有分店 下次可以試埋